Будэ дышетӥсьлэн данэз!

Удмурт Дунне
By Удмурт Дунне 30 августа, 2013 14:18
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Будэ дышетӥсьлэн данэз!

Кузебай Герд нимо гимназиысь дышетӥсь Любовь Соколова

Кузебай Герд нимо гимназиысь дышетӥсь Любовь Соколова

Выль дышетскон арлы йыгмыт кутскон сётэмын: ортчиз дышетӥсьёслэн август конференцизы. Отчы, котьку сямен ик, пыриськизы республикаысьтымы вылӥ кивалтӥсьёс, депутатъёс, ёросъёсысь дышетон удысысь валтӥсь специалистъёс, школаослэн директоръёссы.

Тазэ кенешонэз азьлоосыныз уд ӵошаты: со пачылаз ӟеч мылкыдын, бадӟым осконъёсын. Дышетонъя но наукая министрлэн 40 минут пала кыстӥськись докладэз быдэсак тырмемын вал бурдъясь лыдпусъёсын.

— Шаерысьтымы дышетон удыслы туэ 21 миллион манет чакламын, республикамылэн бюджетэзлэн 27 процентэз луэ со, — пусйиз Андрей Кузнецов.

Школаосы вуэмын уно пумо тӥрлык, узырмытэмын эмъян кабинетъёс, сиён пӧран интыос. Котькуд дышетон учрежденилэн аслаз сайтэз, палэнысь гуртъёсысь нылпиосты нуо-ваё школа автобусъёс. Таӵе вакытъёс сярысь кӧня ке ар талэсь азьло малпанын но ӧй вал!

Туэ 1-тӥ сентябрьысен улонэ пыӵаны кутске «Дышетон сярысь» выль закон. Иське, нош ик воштӥськонъёс луозы.

— Нырысь вамышъёс лэсьтыны ноку но капчи ӧвӧл, но со понна нош ик луонлыкъёс кылдо асьмелэсь быгатонлыкъёсмес возьматыны, — та пумысен дышетӥсьёслы вазиськиз Кун Кенешысь Наукая, дышетонъя, культурая но егитъёсын ужан политикая ялан ужась комиссилэн кивалтӥсез Наталья Сударикова.

Нош выль законэн юнматэм тросэз воштӥськонъёс борды республикамы вазенгес ик кутскиз ни. Кылсярысь, дышетон табере кутскоз нылпи садысен ик, отчы но пыӵалозы выль стандартъёс. Соин ик Москва куре: 3 арессэс тырмытэм вань покчиос 2016-тӥ арын нылпи учреждениосы ветлыны мед быгатозы ни. Со понна тырмыт интыос кылдытоно. Удмуртия та куронэз туэ ик быдэстыны чакла — ар ӵоже гинэ 30 нылпи садъёс ӧсъёссэс усьтозы, ватсаса 3 сюрс 900 покчиослы инты кылдоз. Нош 2016-тӥ арозь черодъёс бырыны кулэ яслиосы но.

Законэн табере юнматэмын, нылпиос кышкытлыклэсь утемын мед луозы шуыса. Асьмелэн та ужпум но вазен ик быдэсъяське: вань школаосын пуктылэмын тылпу потон сярысь ивортӥсь кнопкаос, туэ ар пумозь соос луозы ни вань нылпи садъёсын-яслиосын, ватсаса тодон-валан сётӥсь учреждениосын. Нылпиосты школаозь нуон-ваён понна автобусъёс республикаямы вуыны кутскизы ни 2001-тӥ арысен, пӧлысьтызы 80 процентаз, 406 автобусэ, туэысен пуктылэм луозы навигаторъёс.

— Ум куштӥське инвалид пиналъёслы, анай-атайтэк будӥсь пиналъёслы юрттӥськонлэсь, — пусйиз дышетонъя но наукая министр. — Озьы ик Удмуртия син азяз возёз ёрмыса улӥсь, трос нылпи будэтӥсь семьяосты. 50 процентэз школьникъёс кылем дышетскон арын пичиятэм дунын яке воксё дунтэк сиськизы. Нылпи сад понна компенсациос но кельтэмын луозы.

Будэ дышетӥсьлэн данэз! Та понна кема аръёс ӵоже нюръяськизы визьнодасьёс. Туэ соослэн шоро-куспо уждунзы ӵошказ экономикаын шоро-куспо уждунэн. Республикамы басьтӥськиз дышетӥсьёслы улон инты висъян борды но.

Президент Александр Волков оскытӥз: азьланьын эшшо но пусйымонэз луоз на. Кылсярысь, Ижысь 100 дышетӥсьёс та нуналъёсы выжизы ӵыж-выль шуныт, югыт квартираосы, вуоно арын эшшо сомында ик корка пыронъёс луозы. Дышетӥсьёслы кыкетӥзэ но юртэз ӝутозы «Столичный» микрорайонэ ик. Нош уждунзы дышетӥсьёслэн табере арлы быдэ йылоз, экономикаын шоро-куспо уждунэн ӵошкаса. Озьы туэ 1-тӥ сентябрьысен школаосын, нылпи садъёсын, ватсаса тодон-валан сётон организациосын визьнодасьёс эшшо 15 процентлы тросгес коньдон басьтыны кутскозы, нош 1-тӥ октябрьысен 5,5 процентлы уждунзы йылоз дышетон организациосысь мукет ужасьёслэн но.

Нялтас вераса, табере историе кыльыны кулэ «школа», «дышетон учреждение» кылъёс, соос интые луозы дышетон организациос — та выль законлэн куронэз.

* * *
Дышетонъя но наукая министр Андрей Кузнецов 2015-тӥ арез республикаямы ӵектӥз Пётр Чайковскийлэн ареныз ялыны. Нош дышетскон организациос али ик, пе, тодмо композитормылы сӥзем ужрадъёсты чаклалозы ни.

— Нылпиослы пичиысен пыӵатоно Атыкай музъеммес гажан мылкыд, — вазиськиз министр дышетӥсьёслы. — Соос одно тодыны кулэ дано адямиосмы, соослэн вормонъёссы сярысь. Пиналъёслэн мед кылдоз кунмес уката кужмогес, узыргес, йӧногес карон мылкыдзы.

Элина Кумачёва
Туспуктӥз Ангелина Черепанова

Удмурт Дунне
By Удмурт Дунне 30 августа, 2013 14:18
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<