Зарни!

Удмурт Дунне
By Удмурт Дунне 25 июля, 2013 12:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Зарни!

Е. Наговицына

Е. Наговицына

Удмуртиысь спортсменка Елена Наговицына Россиысь капчи атлетикая первенствоын зарни утӥз, 5 сюрс метр бызьыса.

Финалын со ваньзэсты азьпалтӥз. Rusathletics ивортэмъя, быдэс сюрессэ со 15 минут 23,20 секунд куспын пырпотӥз.

— Нылы монэ туж кема куриз, мед мон бызьыло шуыса. Солэн, пе, учкемез потэ, кызьы мон асме дуннелэн чемпионатаз возьмато — соин мон туж тырши. Табере тренеръёс малпаськозы, кутоно-а монэ. Нош ӵектӥзы ке 10 км бызьыны — шумпотыса соглаш карисько. Со дистанция мыным золгес тупа, мон чидась. 5 сюрс метре ке пуктӥзы, соку но пумит уг луы, — вераз Елена Наговицына зарни вормемез бере.

Табере солэн луонлыкез вань августэ Москваын ортчоно капчи атлетикая Дуннелэн чемпионатаз пыриськыны. Пусъём, Наговицына — Россиысь спортъя мастер, со ворскемын Дэбесын.

Туспуктэмез: www.runners.ru

Удмурт Дунне
By Удмурт Дунне 25 июля, 2013 12:40