Ыммес усьтыса, пуконо ӧвӧл

Удмурт Дунне
By Удмурт Дунне 12 июля, 2013 14:21

Ыммес усьтыса, пуконо ӧвӧл

4948ea7830ec2ad3964b927fa7026dccРоссиысь калыкъёслэн ассамблеязы 15 ар тырмонзэ пусйиз. йылпумъянъёс лэсьтон, азьланезлы выль ужъёс чаклан вылысь Москваын ортчиз огазеяськонлэн 6-тӥ ӧтчамез.

Та бадӟым ужрадэ пыриськизы нациосын ужан политикая министрлэн нырысетӥ воштӥсез Лариса Буранова, Улосэз азинтон стратегияя институтлэн валтӥсь директорез Светлана Смирнова, та институтлэн быдэсъясь директорез Юлия Никитина, «Удмурт Кенеш» огазеяськонлэн президентэз Игорь Семёнов но мукетъёсыз. Съездэ люкаськемъёс ӟырдыт мылкыдын кенешизы огазеяськонлэн азинскон сюресъёсыз пумысен. Но валтӥсь интые потӥз ассамблеялэсь кивалтӥсьсэ быръён. Рамазан Абдулатипов угось та огазеяськонэн кивалтонлэсь палэнскыны мылкыд кариз. Та интые ӵектэм кандидатъёс ичи ӧй вал ке но, Р. Абдулатипов дэмлаз аслэсьтыз воштћсьсэ Светлана Смирноваез. Съездэ люкаськемъёс ваньзы со понна куаразэс сётӥзы. Данъяськымон: Россиысь калыкъёслэн ассамблеяенызы кивалтоз йӧно удмурт кышномурт, тодмо политик. Кыӵе мылкыдын Москваысь берытскиз удмурт делегация?

Игорь Семёнов, «Удмурт Кенеш» огазеяськонлэн президентэз:
— Нырысь ик пусйыны кулэ тазэ: ассамблеяен 15 ар ӵоже кивалтӥз одӥг адями — Р. Абдулатипов, таин валче дыр вуиз та огазеяськонлэн тыршемезлы рос-прос йылпумъянъёс лэсьтыны. Тодӥськомы: Россиын ӧвӧл нациосын ужанъя нимаз министерство. Соин ик меӵак вераны луоз: министерствоез воштӥз ассамблея. Та огазеяськонэ пырисьёс мылысь-кыдысь сэртто-пертчо Россиысь калыкъёс азьын кылдылӥсь ужпумъёсты. Зэм, Улосъёсты азинтонъя министерство бордын ужа нимысьтыз департамент. Но отысь егит специалистъёс тодо-валало меда, маин шокало калыкъёс? Пусйыны кулэ тазэ но: ассамблеялэн уставаз воштонъёс пыртэмын. Та огазеяськонлэн улосъёсысь ёзъёсыныз кивалтӥсьёс пыриськозы ассамблеялэн кенешезлэн ужаз. Президиумын тыршоз 35 мурт, ӵапак соослы ик оскемын луоз огазеяськонлэсь ужзэ радъян.
Россиысь калыкъёслэн ассамблеязылэн ӧтчамаз пыриськеме пумысен мон одно ик ваче син пумиськыло республикамылэн Президентэныз — солы тупен-тупен мадё ӝутэм ужпумъёс сярысь. Туж пусйымон: ассамблеяен кивалтоз Удмурт шаерын кыдам-юнмам мурт Светлана Смирнова. Но асьме адямиез юнматӥзы шуыса, ыммес усьтыса пуконэз ӧвӧл, дэмен кариськыса, ужано, калык кусыпъёсты эшшо но юнгес карыны тыршоно.

Лариса Буранова, нациосын ужан политикая министрлэн нырысетӥ воштӥсез:
— Ӧтчам туж тунсыко но пайдаё ортчиз. Ассамблеялэн одӥгаз но ужрадаз сокем трос калык ӧз люкаськылы — вуизы Россиысь ог 80 пала улосъёсысь куноос. Соос йырзэс тӥязы ассамблеялэсь ужзэ азьланяз кызьы радъян пумысен. Озьы огъя кенешонын кылдӥз та огазеяськонэз азинтонъя концепция.

Ӧтчамын валтӥсь инты басьтӥз Р. Абдулатиповлэн докладэз. Со ивортӥз калык кусыпъёсты юнматонъя, азинтонъя 2025-тӥ арозь чаклам стратегия сярысь. Вератэк кельтыны уг луы тазэ но: ӧтчамлэн ужаз пыриськизы Кун Думаысь, пӧртэм федерал ведомствоосысь но министерствоосысь специалистъёс. Со сяна, ужрадэ нимысьтыз вуиз улосъёсты азинтонъя министр И. Слюняев. Таӵеез ӧй вал на. Ассамблеялэн уставаз воштонъёс пыртэмын. Соя огазеяськонлэн азьвыл кивалтӥсез Р. Абдулатипов «Дано председатель» луиз. Озьыен, со огазеяськонлэсь меџак уз палэнскы, пыриськоз Россиысь калыкъёслэсь кусыпъёссэс юнматонъя дэмен уже. Огъя вераса, ќтчам туж пайдаё но тунсыко ортчиз. Данъяськиськом Светлана Константиновнаен.

Юлия Никитина, Улосэз азинтон стратегияя институтлэн быдэсъясь директорез:
— Ӧтчам мыным туж кельшиз статусэныз. Солэн ужаз пыриськизы тодмо политикъёс, Кун Думаысь депутатъёс, Россиысь Президентлэн администрациысьтыз специалистъёс, пӧртэм федерал ёзъёсысь кивалтӥсьёс. Вань сюлмысьтым шумпотӥсько Светлана Смирноваез ассамблеялэн кенешеныз кивалтӥсе юнматэмлы. Мон малпамъя, та интые со туж иназ луиз. Солэн опытэз туж бадӟым ни: политикаын но, пӧртэм выжыысь калыкъёсын кусып тупатонын но. Со рос-прос басьтӥськиз ни огазеяськонлэсь ужзэ радъян, команда кылдытон борды.

Елена Никитина

Удмурт Дунне
By Удмурт Дунне 12 июля, 2013 14:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<