Усто проектъёс зэмалозы

Удмурт Дунне
By Удмурт Дунне 3 июля, 2013 15:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Усто проектъёс зэмалозы

А. Евсеев III степенё грант басьтӥз

А. Евсеев III степенё грант басьтӥз

Самара вӧзын егитъёслэн «iВолга – 2013» форумзы ортчиз. Отчы Приволжск округысь 14 улосъёсысь 2 сюрс 500 мурт пыриськиз. 90-эз соос пӧлысь Удмуртиысь вал. 2 проектъёс — Александр Евсеевлэн но Андрей Мартенслэн — конкурслэн комиссиеныз вылӥ дунъямын вал.

Алнаш ёросысь Писэйгуртын вордскем но будэм Саша Евсеев Удмурт кун университетын юристлы дышетске, туэ 4-тӥ курсэз йылпумъяз. 21 аресъем удмурт пияш «Центр юридической и экономической помощи» огазеяськонэн кивалтэ ни. «iВолга — 2013» форуме со «Правозащитная деятельность в ЖКХ: молодой собственник жилья» проектэн ветлӥз но 3-тӥ степенё грант утӥз.

— ЖКХ удыс котькинлы матын, малы ке шуоно ваньзылэн улон сэрегъёссы вань. Та удыс нимысьтыз тодон-валан но быгатонлыкъёс кулэ каре, соосты вакчи дыр куспын, ӟеч специалистозь будыны луэ, нош усто ужасьёс туннэ нуналлы котькытын кулэ, — вера Александр Евсеев.

«Правозащитная деятельность в ЖКХ: молодой собственник жилья» проект валаны юрттоз, маин выре ЖКХ но мар курыны быгато улосчиосмы тырем уксёзы понна. Ижкарын дышетӥсь семинаръёс радъяськозы, трос квартираем коркаосын кивалтон но огъя ваньбурез возён сярысь ивор сётӥсь буклетъёс потозы. Азьланяз чакламын егитъёслы ЖКХ удысъя Интернет пыр юрттэт сётон.

«iВолга — 2013» форумын «Ты — предприниматель» ӧръя 4-тӥ интые потӥз Киясаысь 30 аресъем Андрей Мартенс «Счастливый фермер» проектэн. Та вормонэз понна со вуылоз Байконуре ракетоносительлэсь лобӟемзэ учкыны.

«iВолга» форум арлы быдэ радъяськылоз. Ортчон интыез уз вошъяськы — Приволжск округысь егитъёсты пумиталлялоз Самара. Татын котькуд егит адямилэн луонлыкез кылдоз ас проектэныз тодматыны, сое улонэ пыӵатыны луонлык шедьтыны.

Туспуктэмез: udmurt.er.ru

Удмурт Дунне
By Удмурт Дунне 3 июля, 2013 15:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<