Немецъёс вуозы… зоопаркамы

Удмурт Дунне
By Удмурт Дунне 17 июля, 2013 14:39

Немецъёс вуозы… зоопаркамы

31330-тӥ-31-тӥ июле Ижкарысь зоопарке вуылозы Берлинысь зоопаркъёсын кивалтӥсь Бернард Бласковица, Tierpark Berlin но Berlin Zoo зоопаркъёсысь специалистъёс Кристина Керна но Клаус Поль.

— Ми туж шумпотӥськом, дорамы Германиысь куноос вуозы шуыса. Озьыен, соос милемыз тодо, ужъёсынымы тунсыкъясько. 2 нунал ӵоже ортчозы ужасьёсынымы кенешонъёс, Ижкартӥ экскурсия, удмурт сиён-юонъёсын тодматом. Валамон ини, куноосмы одно ик зоопаркмес учкозы, виварие но ветеринарной комплексамы пыралозы, — вера Ижкар зоопарклэн кивалтӥсез Светлана Малышева.

Вераны кулэ, Берлинысь зоопаркын (Berlin Zoo) 15 сюрс пала пудо-животъёс но тылобурдоос уло, ваньмыз 1 сюрс 500 турлы. Котькуд ар соосыз учкыны ветло 2, 6 миллион пала адямиос. Нош Tierpark — Европаысь тужгес бадӟымез зоопарк, отын 10 сюрс котырын пӧртэм пӧйшуръёсыз.

Туспуктэмез: www.google.ru

Удмурт Дунне
By Удмурт Дунне 17 июля, 2013 14:39