Короленколэсь нимзэ утёно

Удмурт Дунне
By Удмурт Дунне 19 июля, 2013 11:25

Короленколэсь нимзэ утёно

В. Короленколэн бюстэз доры сяська понон

В. Короленколэн бюстэз доры сяська понон

Толон люкаськылӥз «Удмурт Кенеш» огазеяськонлэн исполкомез. Татын кӧня ке ужпумъёс эскеремын вал. Валтӥсез — тодмо ӟуч писательлэсь Владимир Короленколэсь нимзэ Удмурт шаерын тодэ возён но буре ваён.

Ӵапак таяз арня вискын, 15-тӥ июле, Владимир Короленколы тырмысал 160 арес. Ӟуч писательлэсь удмурт калык понна быдэстэм ужзэ шаерамы улӥсьёс али но уг вунэто. Кин тодэ, кызьы берыктӥськысал «Мултан уж», удмуртъёс понна дур ӧй басьтысал ке Владимир Короленко.

Озьы ке но берло аръёсы кылдӥз бадӟым шугъяськон. 2 ар талэсь азьло выль интые выжиз Ӟуч драмая театр. 1961-тӥ арысен солы сётэмын вал В. Г. Короленколэн нимыз. 2011-тӥ арын театр выль юртэ потӥз, нош Короленколэн нимыз но учреждение азьын сылӥсь бюстэз вуж интые ик кылизы.

«Ижкар кенеш» та пумысен гожтэт келяз республикаысьтымы Культурая, печатья но иворъёсъя министерствое. Озьы ке но вуэм валэктон исполкомысь ёзчиослэсь кӧт пӧсьсэс ӧз буйгаты. «Удмурт Кенешлэн» нимыныз гожтэт дасямын луоз на Президентлы но Правительствое, Короленколэсь нимзэ но бюстсэ вылезлы Ӟуч театрлы юнматыны курыса.

Люкаськемъёс азьын Украинаысь Полтавае, дано писательлэн вордскем интыяз, ветлэмзэ, пӧртэм ужрадъёсы пыриськемзэ пыр-поч мадиз тодосчи Василий Ванюшев. Василий Михайлович ӵектонзэ вераз, таяз аре асьме шаерын но Владимир Короленколы саклык висъяны курыса, наукая рос-прос конференция ортчытыны чакласа.

Бӧрысь исполкомлэн ёзчиосыз дыртӥзы Короленколэн бюстэз доры сяська поныны. Удмуртъёслэн утисьсы вунэтэмын ӧвӧл. Уго тодмотэм муртъёс писательлэн вордскем нуналаз татчы вуттӥллям тугоко — бордаз удмурт кылын тау каронэз вань. Ӵыж-горд гвоздикаос тыриллям мукет мынӥсь-ветлӥсьёс но.

Елена Скворцова
Туспуктӥз Владимир Беломорских

Удмурт Дунне
By Удмурт Дунне 19 июля, 2013 11:25
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<