Юон умое уз вутты

Кылем шутэтскон нуналъёсы шаерысьтымы МВД-е пӧртэм вазиськонъёсын 1020 мурт вазиськиз, 27-ез — йыружъёс пумысен. Со сярысь ивортэмын МВД-лэн Удмуртиысь управлениезлэн сайтаз.

27-тӥ июле 5 часэ 30 минутэ Играысь Калинин урамысь одӥгез корка вӧзысь адями шӧй шедьтэмын вал. 20 аресъем пиез чыртыяз бышкалтӥллям. Адями виемез понна ӝегатэмын Играысь 43 аресъем воргорон.

27-тӥ июле 14 час котырын Шаркан ёросысь Бисул-Куӵес гуртын 60 аресъем пенсионер 48 аресъем пиосмуртэз кӧтаз бышкалтэм. Соос ӵошен юиллям, нош кудӟыса, керетӥллям. Соку ик мӧйыез воргорон кияз пурт кутэм. Уголовной уж ӝутэмын уголовной кодексысь 111-тӥ статьяя («Умышленное причинение тяжкого вреда здоровью»).

Туспуктэмез: www.uvd-izh.ru