Ижкар люкиське егит пиосын

Удмурт Дунне
By Удмурт Дунне Июль 17, 2013 14:27
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижкар люкиське егит пиосын

jCckiwiUmMwКылем арнянуналэ, 14-тӥ июле, Ижкарын кышкыт авария луиз.

Ӝыт, 23 час 30 минут котырын, Пушкинской урамысь 213-тӥ юрт дорын «Тойота Лэнд Крузер» шуккиз «ВАЗ-2110» машинаез, собере мырӟиз «Хёндаез», «ГАЗ-3110»-ез но «Субаруез». «ВАЗ-2110» машинаысь кык адями быриз. Огез кулӥз шуккиськон бере ик, мукетыз — ӵуказеяз ӵукна больницаын.Туннэ вато Максим Добровольскиез. Соин люкиськины черке туж трос калык ветлӥз, ваньмызлы инты но ӧз тырмы. 18-тӥ июле панихида ортчытозы авариын бырем мукетэзлы пияшлы — Григорий Блиновлы. «ВАЗ-2110» машинаын эшшо 2 егитъёс вылӥллям на, соос али 1-тӥ РКБ-ын кыллё. susanin.udm.ru ивортэмъя, одӥгез со сӧсырмемъёс пӧлысь — «Найди» компаниослэн гендиректорзылэн нылыз Екатерина Найдина.

Удмуртиысь МВД-лэн управлениезлэн сайтаз ивортэмын, «Тойота Лэнд Крузерлэн» водителез ӝегатэмын шуыса. Уголовной кодексысь 264-тӥ статьяысь 5-тӥ люкетэзъя уголовной уж ӝутэмын (« Нарушение лицом, управляющим автомобилем, трамваем либо другим механическим транспортным средством, правил дорожного движения или эксплуатации транспортных средств, повлекшее по неосторожности смерть двух или более лиц»). Адӟисьёслэн верамзыя, ӵапак «Тойота Лэнд Крузерлэн» водителез янгыш: горд ӝуась светофор азе ӧз дугды.

Али «Вконтакте» сайтын шудтэм учыръя «ДТП с ландкрузером на Пушкинской» нимысьтыз группа усьтэмын. Бырем егитъёслэн, озьы ик «ВАЗ-2110» машиналэн руль сьӧраз пукем пилэн эшъёссы но ӵыжы-выжыоссы утчало адӟисьёсты, кин 14-тӥ июле 23:30 час котырын Пушкинской но Красногеройской урамъёслэн вожазы вал, кин адӟиз авриез. Группалэн кивалтӥсьёсыз куро отчы вань лэсьтэм туспуктэмъёсыз, видеоез интыяны. Озьы ик бичало уксё бырем пиослэн матысь ӵыжы-выжыоссылы юрттон вылысь но больницаын кыллись сӧсырмемъёслы операциос лэсьтонлы.

Туспуктэмез: vk.com

Удмурт Дунне
By Удмурт Дунне Июль 17, 2013 14:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<