«Гожъяськыны быгатонлыкты вань»

Удмурт Дунне
By Удмурт Дунне 16 июля, 2013 10:31
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Гожъяськыны быгатонлыкты вань»

Т. Петровалэн но Н. Лекомцевалэн выль книгазы

Т. Петровалэн но Н. Лекомцевалэн выль книгазы

Кияса ёросысь Юрмалай школаысь дышетӥсь Тамара Петрова но педагогика наукаосъя кандидат Надежда Лекомцева поттӥзы «Киясовский ромашковый край» дышетон книга. Со ёрослэн литература улонэзъя аспӧртэмлыко энциклопедия выллем пӧрмем.

Россиысь огъя дышетонысь дано ужась, шаерысьтымы дано дышетӥсь Тамара Петрова, 2007-тӥ арын кутскем ужзэ книга дорозь вуттоз шуыса, ӧз ик малпалля. Нырысь шаертодонъя «Кияса ёросысь писательёс» программа гинэ кылдытӥз вал. Кияса ёросысь но сомында писательёс, гожъяськисьёс потэмын вылэм! Тамара Никитична ачиз но татысь бере, котькуд гожъяськисьлэн улон сюресэз солы тунсыко вал. Утчаськон уже нылпиосты но кыскыны быгатӥз: соос ёросысь литератураен герӟаськем интыосы вуылӥзы, тросэныз гожъяськисьёсын пумиськылӥзы. Тамара Никитична, вить ар ӵоже Юрмалай школаысь нылпиосын та программая ужаса, туж тунсыко, узыр материал люканы быгатӥз. Аслэсьтыз но, дышетскисьёсызлэсь но тыршемзэс печатлатэк кельтыны сьӧлык ни вал.

Книга куинь люкетлэсь пӧрмемын. Нырысетӥез Кияса ёросын вордӥськем, отын улӥсь писательёслы сӥземын. Отысь туж тодмо нимъёсты пумиталод: Россиысь Писательёслэн огазеяськонзылэн ёзчиосыз Александр Макаров но Пётр Куликов, кылбурчиос Геннадий Камашев но Владимир Бубякин, «Удмурт дунне» газетын кема аръёс ӵоже ужам журналист, веросчи Николай Долгов но мукетъёсыз.

Бичетлэн кыкетӥ люкетаз Кияса ёросысь писательёслэн гожъямъёссылы дунъет сётӥсь ужъёс печатламын: кызьы ке мӧйы авторъёслэн, озьы ик школаын дышетскисьёслэн. Висъясько Надежда Лекомцевалэн (Александр Макаровлэн «Алюра» повестез но Геннадий Камашевлэн «Мынам шудбуре» кылбур бичетэз пумысен) но Тамара Петровалэн (Пётр Куликовлэн «Пилиськем музъем» повестез но Геннадий Камашевлэн творчествоез сярысь) ужъёссы.

Одӥг лыдӟись но синйылтытэк уз кельты, дыр, тодмо ӟуч кылбурчилэсь Роберт Рождественскийлэсь Геннадий Камашевлы ыстэм гожтэтсэ. Кызьы тодмо, Геннадий Михайлович Россиын потӥсь журналъёсын но кусып возе вал. Кияса кылбурчилэсь быгатонлыксэ Р. Рождественский синйылтэм но, кылбуръёссэ дунъяса, тазьы гожтэм: «…Дунне шоры асьтэ сямен учкыны быгатӥськоды, тӥ туж чакласькись, со ик вера, тӥляд гожъяськыны быгатонлыкты вань шуыса».

Куинетӥ люкет дышетӥсьёслы урокъёсазы кутоно материалъёсты огазея. Валтӥсез отын «Кияса ёросысь писательёс» 34 часъем элективной курс луэ.

Книгаез ужазы кутыны быгатозы дышетӥсьёс, шаерчиос, культура удысын ужасьёс, студентъёс, дышетскисьёс. Кияса ёросын улӥсьёс книгаез туж вылӥ дунъязы ни. Бичетэн нырысьсэ тодматскон дыръя авторъёсызлы трос ӟеч кылъёс веразы. Книга Кияса ёросэн герӟаськемын ке но, оскисько, со шаерысьтымы котькуд лыдӟисьлы туж тунсыко луоз.

Таӵе бадӟым ужез юрттӥсьёстэк быдэстыны ӧй луысал. Тамара Никитична но тау каремзэ вера Кияса ёросысь дышетонъя управленилэн кивалтӥсезлы Александр Марьинлы, методкабинетысь специалистлы Любовь Пушкарёвалы, Кияса ёрос администрациын ужасьлы Елена Килиналы но Юрмалай школаысь кивалтӥсьёслы но дышетӥсьёслы.

Ольга Бородина

Удмурт Дунне
By Удмурт Дунне 16 июля, 2013 10:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<