Ӝуатӥськом кизилиосты!

Удмурт Дунне
By Удмурт Дунне 5 июня, 2013 12:39
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ӝуатӥськом кизилиосты!

2

5-тӥ июне усьтӥськиз нылпиослэн но егитъёслэн «Ӝуатӥськом кизилиосты» фестивальзы. Удмуртиын таӵе ужрад ортче ни ньылетӥзэ.

Асьсэ быгатонлыкъёссэс возьматон вылысь асьме доры лыктэмын Финляндиысь, Германиысь но Россииысь 13 улосысь 1 сюрслэсь трос нылъёс-пиос. Таослэсь бере уг кылё асьме пиналъёс но.

Иже люкаськемын кырӟаны, эктыны, инструментъёсын шудыны быгатӥсь тужгес устоосыз нылпиос. Быгатонлыкъёссэс эшшо но волятон вылысь соосын ужалозы Финляндиысь, Германиысь, Ульяновскысь, Москваысь но Удмуртиысь специалистъёс.

Со сяна, нырысьсэ таӵе ужрадын усьтӥськиз Ижысь сукыр нылпиослэн бисерлэсь лэсьтэм ужъёсынызы адӟытон.

Фестивале пыриськисьёс, дышетскем сяна, концертъёсын вуылозы нылпи юртъёсы. Асьсэ быгатонлыкъёссэс соос калык азьын усьтозы 8-тӥ июне Ижысь Металлург культурая юртын. Татын ик тужгес устооссэ быръёзы но дунъялозы. Вормись коллективлы я адямилы луонлык сётозы таӵе ик калыккуспо фестивале пыриськыны — сюрес дунзэ тырозы. Зэм, туннэ тодмо ӧвӧл на, кытын туэ ортчоз сыӵе калыккуспо фестиваль. Арысь аре интыез вошъяське уго. Кылем арын сыӵе фестивале пыриськыны «шудо билет» утӥз Глазов городысь эктонъя «Забава» ансамбль.

Елена Фёдорова

Удмурт Дунне
By Удмурт Дунне 5 июня, 2013 12:39
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<