Угыос пӧра Вера…

Удмурт Дунне
By Удмурт Дунне 4 июня, 2013 10:57
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Угыос пӧра Вера…

В. Штыкова

В. Штыкова

Туала вакытэ туж дуноен лыдъясько киын лэсьтэм арбериос. Вера Штыковалэн но эшъёсызлэн улонзы чебер киужъёсын тырмемын.

Вера Штыкова дышетске Удмурт кун университетысь удмурт кылосбуръя факультетын. Нылашлэн бадӟым мылкыдыз вал искусствоосъя но дизайнъя институтэ пырыны. Но анай кыл бордаз золгес кыскиз. Озьы ке но Вера искусствоен тунсыкъяськемысь ӧз дугды — со яратэ суредаськыны, горд сюйлэсь пӧртэм арбериос лэсья, открыткаослы дизайн малпа, кулэсь пуйыос вуре. Котькуд кылдытэм арберияз вань удмурт шӧмыз — юнме шат улонзэ удмуртлыкен герӟаз! Киужъёссэ со чеберъя суредъёсын, кудъёссэ малпа, вашкала удмурт дӥсьёсысь, ӵушконъёсысь но туала книгаосысь-журналъёсысь пужыосты ас мылкыдызъя вошъяса. Вера киужен выре ини пичи дырысеныз ик: атаез, пе, ваньзэ ас киыныз пӧрмытыны яратэ, кортлэсь сяськаос лэсья, пуэз чеберма, туспуктэмъёсын тунсыкъяське. Со выжые ик Вера но кошкем.

Эшъёсыз сое куддыр серекъяса «Плюшкин» но шуо — солэн нокыӵе чыры-пырез уг куштӥськы, уже мынэ: я открыткалы яралоз, я коллажлы.

Вера вань эшъёсызлы кузьмаз ини ас киыныз лэсьтэм открыткаос но горд сюйлэсь угыос. Синпельёс лэсьтыкуз, Вера уже кутэ пӧртэм амалъёсты: акварель, коллаж, аппликация, пужыятскон, квиллинг (векчи кагаз юдэсъёслэсь пужыос лэсьтон). Озьы ик яратэ пӧртэм материалъёсты сураны: басмаез, кагазэз, изэз, куэз, пуэз, тылыез но мукет. Соин открыткаосыз но сыӵе аспӧртэм пӧрмо — нокытысь сыӵеоссэ уд пумита ни.

Туала егитъёс ярато сьӧразы олокыӵе но гаджетъёс нуллыны — телефонъёс, читалкаос, планшетъёс. Вера соослы пуйыос вуре, чеберъя акрил буёлъёслэсь лэсьтэм пужыосын — акрил миськыса но уг гужа, соин басма вылын но суредаськыны луэ.

Мон туж яратӥсько угыосты — но магазинысь соосты октэме кемалась ини. Куд-ог дыръя тодмоосы паймо, котькуд нунал угыосме вошъясько шуыса. Соку серекъяса шуисько: мынам аслам угы поттон фабрикае вань, нимыз — Вера.

Картон вылын аппликация: ыж гон шорт, бисер, басма, тылы

Картон вылын аппликация: ыж гон шорт, бисер, басма, тылы

Суредам изъёс

Суредам изъёс

Горд сюйлэсь угы

Нырысь ик материал дасяно: горд сюй, ПВА клей, гуашь, пырадӟиськись (бесцветной) лак, ву, пурт но кисточкаос.

Собере горд сюйлэсь 2 одӥг кадь «табань» лэсьтоно, 2 квадрат, 8 пичиесь бодыос но котыресъёс.

Табань выллемъёсы пичиоссэ люкетъёсты вуэн ляконо, кызьы суред вылын возьматэмын.

Вылаз курик (крючок) мертчытоно.

12

Нуналлы куасьтыны кельтоно.

ПВА клеез гуашен сураса, угыосты буяно: инъетсэ тӧдьыен, нош пужызэ — гордэн яке вожен. Одӥг парысь угыосты пӧртэм буёлэн маялтӥды ке, тунсыкогес пӧрмоз. Нош ик одӥг нунал куасьтоно.

13

Пырадӟиськись лакен вылтӥз ортчыса, нош ик куасьмемзэ возьмано.

Угыос дасесь!

Настя Шумилова

Удмурт Дунне
By Удмурт Дунне 4 июня, 2013 10:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<