Сочиез матэктытӥзы

Удмурт Дунне
By Удмурт Дунне Июнь 13, 2013 17:13

Сочиез матэктытӥзы

4

Городлэн нуналаз удалтӥз выль трамваен Шор площадёзь дунтэк мыныны. Выльдэм трамвай город ульчаостӥ нырысьсэ ортчиз, калык со шоры паймыса учкылӥз: тусызъя туала электропоездъёслы укша. Вылаз ик электроэнергиез но 30 процентлы ӧжытгес сие. 2 номеро трамвай Промышленной ульчаысь Металлурге мынӥз, отӥяз Буммаше кошкиз. Шор площаде вуытозязы, вагон пушкын мынӥсьёс городысь электротранспорт сярысь конкурсэ пыриськизы, улонысь учыръёссэс веразы.

Шор плащадьын улмолы усён интыез ӧй вал. Котькытын спортъя ӵошатсконъёс мыно. Соослы кутскон сётӥзы спортысь кизилиос: хоккеист Антон Кочуров но бодибилдер Семён Возмещев. Калыкен ӵош соос зарядка лэсьтӥзы.

Городлэн нуналэзлы сӥзем парад «Азьлань, Олимпиадае!» ӧтён улсын ортчиз, Сочиын ортчоно Олимпиадалы но Казаньын ортчоно Универсиадалы дурбасьтыса. Ижъёс доры вуылӥзы Олимпысь инмаръёс. Егит каратистъёс, атлетъёс, боксёръёс но великен ворттылыны яратӥсьёс ас быгатонлыкъёссэс возьматӥзы.

Та нуналэ вашкала машинаосты, мотоциклъёсты Правительстволэн юртэз котырысь адӟыны кылдӥз. Соос котырын улэп скульптураос сылӥзы. Сыӵе пӧсь куазен соослэн вырӟылытэк сылыны чидамзылы пайми.

Валентина Емельянова
Туспуктӥз Александр Горбунов

Удмурт Дунне
By Удмурт Дунне Июнь 13, 2013 17:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<