«Россиез» ӝутэ тракторист

Удмурт Дунне
By Удмурт Дунне 27 июня, 2013 16:28

«Россиез» ӝутэ тракторист

12.07.2011-tractorМожга ёросысь «Россия» хозяйствоысь тракторист Сергей Пудов шоры учкыса, юн оскон кылдэ: пинал калык пӧлын но азьланяз сюрозы на музъем ужез гажасьёс!

Сергей Анатольевич вордӥськемын Кизнер черкогуртын. Атаез комбайнёр вал. Штурвал сьӧрын пукись бубызэ адӟыса, куинь аресъем пияшлэн сюлэмаз данъяськон мылкыд кылдылӥз. Ӵуж-ӵуж кисьмам нянь пӧлтӥ уяса кадь гылӟе комбайн. Вылӥын пукись атаезлэн шунды шорын ӝуам ымныраз пальпотон шудэ. Огпол пиез ӝожтӥськиз ик: тонэ дорысь адӟыны уг луылы, нош мынам тонэн шудэме потэ. Соку бубиз валэктӥз: нянь будэтӥсьлэн ужез тужгес дуно — няньтэк улон ӧвӧл, сием потыку, шудон но шулдыръяськон кулэ ӧвӧл ни. Нош собере шӧдтэк шорысь улонысь кошкиз. Оло, бубизлэн та кылъёсыз сюлэмаз сокем-сокем мертчиськизы, но Сергей Пудовлэн атаезлэсь мытэм удыссэ азьланьтэмез потӥз.

Но армия бере шутэтскыны бертэм пиосмуртэ колхозазы туж куризы гырон-кизёнэн юрттыны — трактормы вань, нош ужась уг сюры, пе. Со дырысен ик музъем бордаз биниз сое. Зэм, Кизнерысь хозяйствозы куашкамен валче Сергей Пудов кышноеныз ӵош городэ но выжы лэзёно кариськиз ни вал. Но кузпалъёс отын ӧз чидалэ. Кырсь омырлэсь, трос калыклэсь ӝоканы кутскимы, пе. Ӵапак со вие Можга ёросысь Бадӟым Учаын улӥсь ӵыжы-выжызы лӧпкытӥз: лыктэ ми пала. Со вал 2011-тӥ ар.

Со дырысен Сергей Анатольевич «Россиез» ӝутэ. Огез пиез 4-тӥ классэз йылпумъяз ни, мукетыз 5 арессэ тырмытӥз. Бусы ужъёс дыръя соос атайзэс уг ик адӟыло. Галина кузпалыз но ужез борды картсэ куддыръя вожа. Ма, гажанэз 5 часын ӵукна бусые потэ ни ук. Но Сергей буйгатэ: толалтэ шутэтскомы.

 Елена Фёдорова
Туспуктэмез: zvst.ru

Удмурт Дунне
By Удмурт Дунне 27 июня, 2013 16:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<