Александр Пушкин удмурт литератураын

Удмурт Дунне
By Удмурт Дунне 6 июня, 2013 11:32
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Александр Пушкин удмурт литератураын

2

Туннэ быдӟым ӟуч кылбурчилэн Александр Сергеевич Пушкинлэн вордскем дырысеныз 214 ар тырме. Поэтлэсь туала ӟуч литература кыл кылдытэмзэ данъяса, Россиын 2011-тӥ арысен 6-тӥ инвожое Ӟуч кыллэсь нуналзэ пусъё.

Литературамы азинскемъя, гожъяськисьёсмы пумен удмурт кылэ берыктӥзы быдӟым поэтлэсь кылбуретсэ но прозазэ. Александр Пушкинлэсь кылбурзэ нырысьсэ чеберлыко берыктӥз Ашальчи Оки 1918-тӥ арын. Революцилэсь азьвыл ««Сказка о попе и о работнике его Балде» выжыкылзэ берыктӥз Михаил Прокопьев, «Сказка о рыбаке и рыбке» выжыкыллэн мотивезъя «Зарни чорыг» поэма гожтӥз Григорий Верещагин.

Кылбурчиен но драматурген Игнатий Гавриловен берыктэмын «Борис Годунов» драмаез (1949-тӥ но 1954-тӥ арын поттэмын), «Руслан и Людмила» (1954), «Медный всадник» (1956), «Полтава» (1960) поэмаосыз.

1980-тӥ аръёсы ӟуч поэтлэсь кылбуретсэ удмурт кылэ берыктонын кужымзэс эскеризы Владимир Романов, Гай Сабитов, Вениамин Ившин, Александр Белоногов. Нош пӧртэм аръёсысь тужгес но ӟеч берыктэмъёс 2007-тӥ арын «Избранные произведения=Быръем произведениос» бичетэн потӥзы.

Гажан эше!
Ашальчи Оки

Шудэд тонэ алдаз ке,
Эн чигиськы, эн бӧрды.
Секыт нунал лыктӥз ке,
Чидатӥськы, оскиськы:
Куддыр вапум секыт ке но,
Азьлапалан ӟеч нуналъёс.
Ваньмыз ортчоз,
ваньмыз кошкоз —
Ортчем вапум мусо потоз.

Пилем
Евгений Самсонов

Пазям сильтӧллэн тон берпум пилемез!
Огнад тон чагыр инбамтӥ ортчиськод,
Огнад мӧзмытэсь вужеръёс сётӥськод.
Огнад тон ӝожмыт кариськод нуналэз.
Инэз кемалась ик ӧвӧл шобыртӥд.
Кышкыт котыръяз вылтырдэ чилекъян,
Соку вӧлмытъяд тодмотэм гудыръян.
Зорен тырмостэм музъемез пылатӥд.
Я, ватскы, тырмоз табере. Дыр ортчиз
Музъем сайкаськиз, тӧлпери но кошкиз,
Сэзь тӧл, вешаса куаръёссэ писпулэсь,
Улля ни тонэ чалмытскем инбамысь.

Ивортодэт: vitruk.com
Туспуктэмез: lipetskmedia.ru

Удмурт Дунне
By Удмурт Дунне 6 июня, 2013 11:32
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<