Пумитазы гужемез

Удмурт Дунне
By Удмурт Дунне 19 июня, 2013 10:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пумитазы гужемез

Гырон быдтон - удмуртъёслэн тужгес шулдыр праздниксы

Гырон быдтон — удмуртъёслэн тужгес шулдыр праздниксы

Глаз ёросын, тулыс ужъёсты йылпумъяса, Гырон быдтон ортчиз Штанигурт возь вылын. Котькуд поселение аслэсьтыз азбарзэ дасяз, киужъёсыныз но ас дораз поттэм сиён-юонэныз паймытӥз.

Ёросысь тужгес адӟем карымон хозяйствоосты, механизаторъёсыз, пудо утисьёсыз тау каронъёсын пусйизы. Азьветлӥсьёс пӧлын «Кожильский», «Луч», «Заречный», «Исток», «Октябрьский», «Пригородный» хозяйствоос. Тулыс бусы ужъёс дыръя устоез агроном луиз «Коротай» СПК-ысь Валентина Шудегова, азветлӥсь механизаторе потӥз «Кожильский» СПК-ысь Сергей Рыжаков, егит тракторист-машинистъё пӧлын вормисен лыдъямын «Коммунар» СПК-ысь Сергей Зяналиев.

Ӟечкыланъёс бере шулдыр кросс кутскиз. Котькуд муниципал кылдытэт 8 муртлэсь команда люканы кулэ вал, соос куать пӧртэм станциос пыр ортчизы: Инкуазен но шаертодонэн герӟаськем юанъёслы валэктӥзы, ужаны быгатэмзэс возьматӥзы, шар ӵыжазы, гозы кысказы… Вормисе потӥз «Верхнебогатырское» муниципал кылдытэтысь команда.

Галина Ларионова
Туспуктӥз Владимир Беломорских

Удмурт Дунне
By Удмурт Дунне 19 июня, 2013 10:20