Огъя культурамы ӧвӧл

Удмурт Дунне
By Удмурт Дунне 5 июня, 2013 16:13

Огъя культурамы ӧвӧл

В. Туганаев пиналъёслэн юанъёссылы тунсыко валэктонъёс сётэ

В. Туганаев пиналъёслэн юанъёссылы тунсыко валэктонъёс сётэ

Туннэ, Инкуазез утёнлы сӥзем нуналэ, Нылпиослэн элькун библиотекаязы биология наукаосъя доктор Виктор Туганаев пиналъёсын пумиськон ортчытӥз.

Тодосчилэн верамезъя, туннэ нуналэ Ижкар но элькун понна тужгес но шугъяськытӥсь ужпум — со йылтэм-пумтэм жуг-жаг. Берло аръёсы котырысь инкуазьмы туж кырсёмиз. Иж палась нюлэсъёсты но Карлудка шурез арлы быдэ экологъёс, мылкыд карисьёс, быдӟым классъёсысь школьникъёс чылкытато. Но соослэн ужамзы уг юртты: шурысь 10 тонна жаг ке окто, со интые эшшо 20 тонна жаг кисьтӥське. Вань кырсь пыре сюй пушкы, соин Ижысь ог 300 ошмес пӧлысь огысьтыз но ву юыны ярамон ӧвӧл.

Соин ини малпамын Ижын жуг-жагез быдтӥсь завод кылдытыны, кылем-мылем сиёнлы, пластик но мукет чурыт арбериос понна нимысьтыз контейнеръёс ульчаосы пуктылыны.

Каллен-каллен куазь шуныт луэ, инкуазь но воштӥське: нюлэсо шаерамы степьысь будосъёс тросгес вӧлмыны кутско. 2012-тӥ арын толсуре потэм Горд Книгалэн 2-тӥ изданиез но ог 80 процентлы воштӥськиз.

Горд Книгае пырись пӧйшуръёсты но будосъёсты нимысьтыз возьманы кулэ ӧвӧл, — шуэ Виктор Васильевич. — Соосты мукет сямен утьыны кулэ. Гуртъёсын, городъёсын, школаосын валэктон уж нуоно, адямиос мед тодозы, вӧзазы кыӵе турынъёс будо, пӧйшуръёс уло, кыӵе пайда ваё.

Ма, тросэз будосъёс но адямилы ӟеч юрттэт сёто. Тани, кылсярысь, кыедгуби (навозник) гинэ но. Удмуртъёс вина юись муртъёсты кыедгуби вуэн эмъяллям.

Калыкез югдытыны кулэ. Инкуазез утён адями бордысь, солэн тодон-валамез, огъя культураез бордысь потэ.

Та пумиськонын мӧйы профессорез паймытӥзы но шумпотӥзы 3-тӥ-4-тӥ классъёсын дышетскись пиналъёслэн пумтэм-йылтэм юанъёссы. Соослэн тодэмзы потӥз, зэм-а Музъем Сьӧд пасьысь кылдэмын шуыса, марлы адямиос куло, малэсь быризы динозавръёс но марлы пӧйшуръёс, агуо (ядовитый) губиосты сиыса, уг куло. Таӵе трос юанъёс огпол но сётъямзы ӧвӧл на, таӵе кылъёсын, туала етӥз пиналъёслы паймыса, верамзэ йылпумъяз Виктор Васильевич.

Лариса Дмитриева

Удмурт Дунне
By Удмурт Дунне 5 июня, 2013 16:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<