Люкаськон нунал

Удмурт Дунне
By Удмурт Дунне 11 июня, 2013 09:48
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Люкаськон нунал

1

Илья Байметов, «Вордскем кыл» журналлэн валтӥсь редакторез:

И. Байметов

И. Байметов

— Городын Герберез ортчытон сярысь малпан йырам лыктӥз Вылӥ Кенешын депутат дыръям 1990-тӥ аръёслэн кутсконазы. Соку парламентысь удмурт депутатъёслэн фракциенызы кивалтӥсько вал. Соин ӵош сюлмаськимы удмурт движениез азинтон пумысен но.

«Удмурт Кенешлэн» городысь ёзъёсыз асьсэ кужымен праздникъёс ортчытъяны вырылӥзы. Альберт Разин — Индустриальной ёросын, ми эшъёсын ӵош — Первомай районын. Собере сыӵе малпанэ вуим — калыкез тазьы люканы секыт, соин одӥг бадӟым ужрад лэсьтоно. Город кенеш кылдытон сярысь вераським Валерий Митрофановен, Леонид Загребинэн, Евгений Егоровен, Иван Колесниковен. Талы дурбасьтӥз «кенешлэн» президентэз Валентин Тубылов но.

Иж мэриысь кивал-тӥсьёсты сайкатыны секыт вал. Шонерак вераса, милемыз кезьыт пумитазы: калыкез уд люкалэ, шуизы. Гербер ортчытыны инты утчаса, вазиським Индустриальной ёросысь культурая ёзэ. Солэн кивалтӥсез Ольга Поварёнкина туж шуныт мылкыдын пумитаз — одно ик, пе, ортчытом. Куинь инты пӧлысь бырйимы Кызьпу арамаез. Шонерзэ вераса, соку со жуг-жаген, силёен тырмемын вал, шутэтскон интылы матын но ӧз тупа.

1997-тӥ арын нырысьсэ ортчиз городысь Гербер. Кузьымъёсын соку юрттӥзы депутатъёс. Ӝук пӧзьтӥмы, 3 сюрс муртлы чакласа. Нош ужрадэ 2 сюрс мурт гинэ вуиз. Вуоно араз ини 5 сюрс мурт люкаськиз — ӝукмы соку ӧз тырмы, тросэз ӝожтӥськизы но. Шумпотӥсько, кутскем ужмес ӧм аналтэ шуыса. Табере Кызьпу арама — со удмуртъёслэн люкаськылон интызы. Городын улӥсь удмуртъёс валче шулдыръяськыны, адӟиськыны быгато.

Ольга Петрова, «Удмурт Кенешлэн» Ижысь Индустриальной ёросысь ёзэзлэн кивалтӥсез:

О. Ведрова

О. Петрова

— Ижын ортчись Гербер огазея городысь удмуртъёсты. Шоркарын улӥсьёс котькудӥз ас дораз улэ, кин ке калыке но уг пота, нош Гербере одно ик лыкто — гуртын будэмзыя тодо таӵе шулдыр сямез. Татын тодмоосынызы пумисько, ӵош дышетскем эшъёсынызы адӟисько. Кин ке огпол лыктэ ке, со мукет дыръя эшъёссэ, тодмооссэ сьӧраз чортэ. Тани азьло аръёсы, 2 сюрс муртлы чакласа, ӝук пӧзьтылӥллям. Туэ 7 сюрс муртлы сиён чаклано ни.

Нылпиослы шудон интыос арысь аре тросгес луо. Сэре аръёс ӵоже та шулдыръяськонлэн аслаз огъя концепциез но кылдэмын. Индустриальной ёрос мыло-кыдо сюлмаське сое радъяны, городысь «Удмурт Кенешлэн» ёзъёсыз азбаръёс лэсьтон понна сюлмасько. Таиз но ӵошатскон выллем луэ — кин маин паймытоз.

Азьло пыкылӥсьёс вал, Кызьпу арамае юыны лыкто шуыса. Нош табере калыко интыосын курыт юонъёс вузаны алэмын, чарка бекыръяны уг яра. Адямиос юытэк но шулдыръяськыны быгато вылэм.

Шумпоттэ соиз но: арысь аре тросгес нылкышноос удмурт дэремен дӥсясько, Герберлы шуыса юри дэрем вурыто.

Туспуктэмез: finnougoria.ru

Удмурт Дунне
By Удмурт Дунне 11 июня, 2013 09:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<