Капчи ужлы ёрмыса, фермер уг карисько

Удмурт Дунне
By Удмурт Дунне Июнь 27, 2013 14:23

Куд-огез, жуг-жаг пӧлы выем музъемез жаляса, та секыт удыс борды басьтӥське. Озьы вераны луоз Алнаш ёросысь Сьӧд Ошмес гуртысь Владимир Сергеев сярысь. Пиосмуртлы 34 арес гинэ ай, нош солы сётӥзы ни «Россиысь дано фермер» ним.

Ог дасо ар талэсь азьвыл Сьӧд Ошмес палъёсысь «Кама» колхоз воксё куашказ. Ас вакытаз сое ӝутыны турттӥсьёс трос вал. Ачиз Владимир Сергеев но, пинал арлыдыз шоры учкытэк, кык-куинь арзэ хозяйствоен кивалтӥз. Но куашканы кутскем колхозэз быронлэсь утьыны ӧз луы ни.
Бусыос ӵакмыны ӧдъязы. Гидъёс сисьмыны кутскизы. Та шимес суред шоры учкыса, гурт калыклэн но мылкыдыз сӥяны шӧтаз. Сергеевлэн аслаз но сюлэмыз ӧз чида ни. Бадӟым кредитэ пырыса, удобрениос, тысь, кидыс басьтӥз. Гуртысьтызы ик ужасьёсты кутӥз. Нырысь-валысь туж секыт вал выльысь ӝутскыны. Семьяез но, гурт калык но бурдъязы, оскизы солы.

Туннэ Владимир Сергеев ас бурд улаз басьтӥз на тапалась ик куашкам «Иж-Кама» хозяйстволэсь оглюкетсэ. Ваньмыз гыроно-кизёно музъемез 2 сюрс гектар. 230 йыр кысконо скалъёсыз.

Алнаш ёросысь фермеръёсын кивалтӥсь Виктор Михайлов верамъя, туннэ районазы 76 фермеръёс. Соос киын 14 сюрс 780 гектар гыроно-кизёно музъем. Со хозяйствоос пӧлысь ваньмызгес ик кылдытэмын куашкам колхозъёс интые. Ваньмыныз ик кивалто удмуртъёс. 23-ез соос пӧлысь басьтӥськиз скал но кунян вордон борды. Одӥгез гидзэ тырмытӥз парсьёсын. 2-ез ыжъёсты вордэ. 11 фермер хозяйствоос йӧлзэс заводъёсы келяны кутскизы ни. Кык ар талэсь азьло пӧлысьтызы нокин но таин уг выры вал.

Усто но оскымон ужасьёс пӧлысь огез — Владимир Сергеев, тужгес егитэз фермер. Зэм, туэ фермер хозяйствоос пӧлысь огаз но ӧвӧл тысь куасьтонъя но сузянъя комплекс. Но Виктор Михайлов оске: Сергеев эш кадьёс киоссэс ӧз лэзьялэ ке, гурт удыс азинскоз.

Елена Фёдорова

 

Удмурт Дунне
By Удмурт Дунне Июнь 27, 2013 14:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<