Йыр чупа, лыдӟись гажа

Удмурт Дунне
By Удмурт Дунне 14 июня, 2013 11:16
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Йыр чупа, лыдӟись гажа

komi-mu

Таяз арняе ми вуылӥм Коми шаере отысь эшъёсмес, «Коми му» газетэз, 95 ар тырмонэн ӟечкыланы.

Россиысь пичи выжы калыкъёслэн газетъёссылэн ортчем сюрессы огвыллем — ми туж кулэ вал кивалтэтлы кунын бадӟым воштӥськонъёс ортчон дыръя, угось ивор синме-пеле ӟечгес пыре, со анай кылын ке гожтэмын. Туала вакытэ национальной газет-журналъёс чыртыын лы выллем луизы: пайдазы трос ӧвӧл ни (табере ваньмыз ӟуч кылэз валало), нош бюджетысь коньдонэз кыско. Ярам ай, газет-журналъёсты уг быдто, уг пытсало, национальной политика сярысь валан юрттэ ик. Но со понна анай кылын потӥсь газетъёсты яратыса возьмало лыдӟисьёс. «Коми му» газетэз туннэ лыдӟе 7 сюрс мурт пала. Газетэз трос аръёс басьтӥсьёс юбилеенызы ӟечкыланы вуизы, анай кылзылы кузь улон сӥзизы.

Вылӥ кивалтӥсьёс но юбилейлэсь ӧз палэнске, газетчиослы, бамазы чупаса ик, данъян грамотаос, таукаронъёс сётъяз республиказылэн Йырыз В. Гайзер, кузьымъёсын вуизы министерствоос-ведомствоос.

— Лыдӟо-а, уг-а ӟечкыласьёс газетмес — ужмы ӧвӧл, — шуэ «Коми му» издательской юртлэн кивалтӥсез Надежда Быковская. — Соос мукетъёслэсь, анай кылзэс гажасьёслэсь, лыдӟиськыны луонлыксэс медаз талалэ, милемлы тау мед карозы ужзэс возьматэммы понна.

Юбилей ортчытон чотын кенешиз Россиысь Фин-угор журналистъёслэн ассоциацизылэн секретариатэз. Йылпумъянъёс лэсьтэмын вал берло кык ар ӵоже ужамлы. Жаляса верано, тросэз улосъёс уродгес улыны кутскемын: штатъёс кулэсмо, уждунзы ичиёме, газетъёс шергес потыны кутско… Ми, Удмуртиысь журналистъёс, та ласянь огсыр возиськиськом ай. Ма, ми мукетъёслэсь йӧногес но уго: туэ феврале 98 армес тырмытӥм ни. Сьӧрлось эшъёсмы чидатэк витё «пересьмеммес» — ваньмыз курисько «Удмурт дуннелы» 100 ар тырмонэз дано пусъёнэ.

Зинаида Рябинина

Удмурт Дунне
By Удмурт Дунне 14 июня, 2013 11:16
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<