Яратэмме лыдӟе… чыртыысьтым

Удмурт Дунне
By Удмурт Дунне 25 июня, 2013 14:37

Яратэмме лыдӟе… чыртыысьтым

rwK3VefupX8

Иван Кабышев

Алигес чыртыям сьӧд буёло татуировка лэсьтӥ. Эшме «Яратон» япон иероглиф суреданы косӥ, кельше мыным со.

Сыӵе суредъёс хнаен лэсьтӥсько. Ку вылын кема уг возисько, 5-10 нунал куспын быро. Пыд но ки вылын кемагес уло. Пӧртэм буёло биотату 1-4 нунал гинэ улэ, дӥськут борды зыраське, вуэн гылтӥське ке. Бышкатэк лэсьтӥське, чик вӧсь уг луы, дуныз но трослы ичи.

«Яратонме» суредаз Иван Кабышев, Алнаш ёросысь Кузебай гуртысь удмурт пияш. Ижкарысь Искусствоосъя школа-интернатын дышетскиз, сое йылпумъямез бере Кузонын дизайнер луыны тодон-валан басьтӥз. Соку ик Ванялэн татуировкаос лэсьтылыны малпанэз кылдӥз. Армиын дыръяз эшъёсызлы ручкаен суредалляз. «Гражданкаын» хоббизэ азьланьтӥз. Та удысын ӝыны ар ке но выре, ужзэ умой тодэ ини. Юасез-тунсыкъяськисез котьку вань.

— Та уж мыным тунсыко йӧтэ, — вера Ваня. — Аслым кельше, адямиос шумпото. Ӵемгес дорам нылашъёс вазисько. Азьло кожасько вал, ку вылын суредъёс пиослы тунсыкогес шуыса, соин ик эскизъёсы но воргоронъёслы тупасесьгес вал. Огез адями таӵе амалэн висъяськыны турттэ, кыкетӥез тазьы мугорзэ чеберъя…

Суредасько хнаен но пӧртэм буёло краскаен. Эшшо мехенди лэсьтӥсько — мугорез шундыӝужан пал шӧмо пужыосын шобыртӥсько. Ӵемгес киез но чыртыез гожманы куро. Эскизъёсты басьтӥсько Интернетысь, куд-огзэ ачим кылдытӥсько.

Азьланяз удмурт татуировкаос лэсьтон борды басьтӥськыны медӥсько. Суредъёсы вань ини. Ачим но удмурт бере, малпасько, та ужез азьланьтоно шуыса. Луэ эрико, луэ аспӧртэмлыко!

Наталья Клабукова

Удмурт Дунне
By Удмурт Дунне 25 июня, 2013 14:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<