Ижкарлэн нуналыз

Удмурт Дунне
By Удмурт Дунне 13 июня, 2013 13:46
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ижкарлэн нуналыз

timerhanova

А. Тимерхановалэсь кырӟанзэ пичи ныл но тодэ

Толон шоркарамы Россиысь нуналзэ но Ижкарлы 253 ар тырмонэз пусйизы.

Шундыё но шуныт куазь шумпоттӥз. Ӵукнаысен ик городысь шор ульчаос мынӥсь-ветлӥсь калыкен тымиськизы. Нунал пӧртэм ужрадъёслы узыр луиз. Тани валтӥсьёсыз.

Нырысьсэ Ижын бадӟым велопарад ортчиз. Велосипедистъёс Ижкарлэн администрациезлэн юртэз дорысен сюрслэсь трос велосипедистъёс Киров парк дорозь васькизы.

Ижкарысь Кызьпу арамаын Гербер шулдыръяськон ортчиз. Котькуд ар сямен, паркын пӧртэм азбаръёс ужазы. Отын табань пыжизы, киужъёсъя мастер-классъёс ортчизы, кырӟазы, ӝук сиизы. Мылкыд карисьёс дэремъёсты, чеберъяськонъёсты но мукет удмурт шӧмо чыры-пырыосты басьтӥзы.

2 интыын удмурт концертъёс мынӥзы. Бадӟым сцена котыре мӧйыос люкаськизы. Отын Ижкаросъёсысь «Тюрагай», «Ӟардон», «Инвожо» но мукет удмурт коллективъёс потазы. Озьы ик жингрес кырӟанъёсыныз шумпоттӥз фольклор кырӟанъя но эктонъя «Айкай» театр.

Егитъёс мукет сцена вӧзын шулдыръяськизы. Ар ӵоже егитъёслы сӥзем пӧртэм ужрадъёсын тодмо луэм кырӟасьёсты, кылбур гожъясьёсты, киужъя усточиосты татысь пумитаны луиз.
Газетмылэн «Дарт» приложениез кылбур лыдӟонъёсты радъяз. Кылбуръёсты лыдӟизы Ксения Евсеева, Виктория Смирнова но Наталья Клабукова.

Егитъёс шумпотыса пумитазы егит кырӟасьмес — Алина Антоноваез, Иван Белослудцевез, Иван Котельниковез, Алёна Тимерхановаез, Богдан Анфиногенов. Соосты тодо но ярато ини.

Гербер йылпумъяськем бере удмурт кыл чузъяськиз Шор площадьын но. Центральной сценаын Ижкарысь ӟуч нылпиос «Инву шокан» («Дыхание небесной росы») программа возьматӥзы — удмурт кырӟанъёсты кырӟазы. Концертсы кема мынӥз ке но, аспӧртэмлыко луэменыз — удмурт кырӟанлы тупасьтэм манерен кырӟанэз быдэстон — со трос калыкез люказ. Пиналъёс кужмо куараенызы, сэзь, сцена вылын кышкатэк, йӧн-йӧн асьсэды воземенызы учкисез бордазы кыскыны быгатӥзы.

Площадьысь мукет сцена вылын Ижысь крезьгуръя чемпионатэ пыриськем тужгес но устоосыз — Ижысь Kennedy Park, INSIDE, LRH — группаос кырӟазы. Соос быдэстӥзы рок альтернатива крезьгуръёсты. Татын но калык трос вал.

Нош пруд дорысь сцена воксё тымиськемын вал 90-тӥ аръёсысь кырӟанъёсты яратӥсьёсын.
Концертъёс бырем бере юмшан йылпумъяськиз бадӟым салютэн.

Туспуктӥз Мария Золотарёва

Удмурт Дунне
By Удмурт Дунне 13 июня, 2013 13:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<