Гербере эн кыле бере

Удмурт Дунне
By Удмурт Дунне 11 июня, 2013 15:14
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Гербере эн кыле бере

Гербер кузьма задор мылкыд

Гербер кузьма задор мылкыд

12-тӥ июне 13 час котырын Ижысь Кызьпу арамаын возьма Гербер шулдыръяськон. Калыклы капчи мылкыд кузьмалозы «Айкай» театр, городысь «Инвожо», «Ӟардон», «Тюрагай», «Эшъёс» но мукет коллективъёс. Шутэтскыны луоз пӧртэм площадкаосын.

«Шунды» огазеяськонысь егитъёс дышетозы калык шудонъёслы-эктонъёслы, радъялозы удмурт дискотека.

«Гербер шудонъёс» интыын тодады ваёды мешокен тэтчанэз, куро мешокен жугиськонэз но пӧртэм ӵошатсконъёсты.

«Нылпи азбарын» мӧзмыт уз луы покчиослы. Пӧртэм конкурсъёсы пыриськыса, пиналъёс кузьымъёс утыны быгатозы.

«Гербер паръёс» вожвылъяськонэ витё егит семьяосты. Татын кузпалъёс пӧртэм сямен ӵошатскозы. Мыло-кыдоосты кузьымтэк уз кельтэ.

«Чеберай» площадкае витё удмурт дӥсь мертаны. Татьяна Москвина модельерлэсь дэремъёссэ котькуд мылкыд карись мурт дӥсяны но, басьтыны но быгатоз.

«Эрико микрофон» интыын сцена вылэ потыны быгатозы кырӟасьёс, эктӥсьёс — ваньмыз, кинлэн мылкыдыз пӧзе. Татын ик ортчоз арганчиос пӧлын вожвылъяськон. Тазэ ужрадэз кӧня ке ар бӧрсьысь ортчытъя «Удмурт Кенешлэн» Октябрь ёросысь ёзэз.

«Зарни киос» вуз карон интые кожатэк эн кыле. Татын басьтыны луоз пӧртэм тунсыко киужъёсты.

Озьы ик паськыт вӧлскозы городысь ёрос «кенешъёслэн» азбаръёссы. Котькудӥз паймытыны чакла пӧрамъёсын. Кылсярысь, Устинов ёрос пӧртэм пушкесъёсын кокрокъёс дасялоз. Октябрь ёросысь «кенешчиос» перепеч пыжозы. Та «кенешчиослэсь» азбарзэс дасяны юрттэ «Мумы дор» выжы юрт. «Мумы дорлэн» кузёез Николай Михайлов возьматоз, кызьы вашкалаосмы кеньыр изылӥзы, кызьы кут кутазы но мукет киужъёсты быдэсъязы. Мукет ёросъёсысь «кенешчиос» но сюлмасько азбаръёссэс тунсыко чеберъян, калыкез паймытон сярысь.

Елена Скворцова
Туспуктӥз Владимир Беломорских

Удмурт Дунне
By Удмурт Дунне 11 июня, 2013 15:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<