Филологъёс шутэтскыны уг ваньмо

Удмурт Дунне
By Удмурт Дунне 27 июня, 2013 11:21

Филологъёс шутэтскыны уг ваньмо

"МИ" союзысь егитъёс  пӧртэм пумиськонъёс ортчытъяло ӵем

«МИ» союзысь егитъёс пӧртэм пумиськонъёс ортчытъяло ӵем

2-тӥ — 7-тӥ пӧсьтолэзе Сыктывкарын радъяськоз пинал филологъёслэн XIII гужем университетсы. Сое ортчытэ Россиысь фин-угор центр.

Дышетсконэ вуозы Комиысь Усть-Кулом, Инта, Прилузье, Удора, Ижма, Корткерос ёросъёсысь бадӟым классъёсын дышетскисьёс. Куатетӥ арзэ ни куное лыктозы Перм улосысь Коми-Пермяк округысь пиналъёс. Проект коми-пермяк нылпиослы коми-зырян кылын тодон-валан басьтыны луонлык сётэ, нош ваньмон дыръязы шутэтскисьёс ог-огенызы котькудӥз ас ворскем кылыныз вераськыны быгатэ, озьы соос ӟечгес шӧдо культураослэсь, перм кылъёслэсь ог-огзылы макем матын луэмзэс.

Гужем университетын дышетскон 2 пӧртэм лабораториосын ортче. Нырысетӥез — документальной проза — журналистика, критика но берыктон удысъёсын герӟаськемын, соин кивалтэ «Коми му» элькун газетлэн корреспондентэз Павел Симпелев. Кыкетӥез лаборатория — чеберлыко гожъяськон. Соин кивалтэ Комиысь Гожъяськисьёслэн огазеяськонысьтызы ёзчиез, кылбурчи Анжелика Елфимова. Со дышетоз нылпиосыз проза но поэзия удысъёсын чеберлыко произведениос пӧраны.

Гужем университетысен ик пинал филологъёс Россиысь фин-угор центрлэн уженыз, коми егитъёслэн «МИ» союзысьтызы ёзчиосын, тодмо журналистъёсын но гожъяськисьёсын тодматскозы, вуылозы «Коми гор» телерадиокомпание, элькун газетъёслэн редакциосазы, И. А. Куратовлэн музеяз но трос мукет тунсыко интыосы. Со сяна, радъясьёс дасяло шудонъёс но вожвылъяськонъёс коми калыклэн историезъя но культураезъя.

Туспуктэмез: vk.com/club50333216

Удмурт Дунне
By Удмурт Дунне 27 июня, 2013 11:21
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<