Огъя кун экзаменъёслэн йылпумъянъёссы тодмо

Удмурт Дунне
By Удмурт Дунне 10 июня, 2013 13:12

Огъя кун экзаменъёслэн йылпумъянъёссы тодмо

8

Удмуртиын 4 огъя кун экзаменъёслэн йылпумъянъёссы тодмо луизы. Ӟуч кылъя ЕГЭ сётӥз 7 859 адями. Пӧлысьтыз 16 адями тужгес но трос балл (100) люказы. 67 адями (пӧлазы туэ школаез быдэстӥсь 54 егит) экзаменэз сётыны ӧз быгаты — тужгес но ичи (36) кулэ балл но люка.

30-тӥ куартолэзе дышетскисьёс куинь предметъя ЕГЭ сётӥзы. Информатикая экзаменын тодон-валанзэс эскериз 567 дышетскись. Пӧлысьтызы 6 адями 100 балл люказ (2012 арын — 10 адями).

Биологияя экзаменын 1528 мурт пӧлысь одӥг гинэ адями 100 баллы тодон-валанзэ возьматэм. 54 адями экзаменэз ӧз сёты.
Историяя огъя экзаменэ 1345 дышетскись пыриськиз. 5 адями вылӥ балл (100) люказ, 80-эз егит 32 балл ӧз басьты.

Математикая, кунсьӧр кылъёсъя, физикая экзаменъёслэн йылпумъянъёссы вуоно вордӥськонэ, 17-тӥ инвожое, тодмо луозы. Туннэ дышетскисьёс обществознаниея но химияя ЕГЭ сёто. 13-тӥ инвожое географиен но литератураен визьзэс сыналозы на.

Удмурт Дунне
By Удмурт Дунне 10 июня, 2013 13:12