Ӝутӥськон

Удмурт Дунне
By Удмурт Дунне 7 июня, 2013 13:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ӝутӥськон

Эгра ёросысь Чутырысь Иисус Христослэн ӝутӥськонэзлы сӥзем черк

Эгра ёросысь Чутырысь Иисус Христослэн ӝутӥськонэзлы сӥзем черк

Инвожо толэзьлэн валтӥсь праздникъёсыз — Иисус Христослэн Ӝутӥськонэз (Вознесение) но Дун-чылкыт Тройчалэн (Троица) нуналыз. Нырысетӥзэ асьмеос пусъём 13-тӥ инвожое, нош Тройчаез — 23-тӥ июне.

Ин Эксэймылэн инме ӝутӥськемез сярысь гожтэмын «Деяния святых апостолов» книгаын. Та книгаез али лыдӟо асьме храмъёсын. Отын шуэмын: «Дышетскисьёссэ, оскись калыкез люкаса, Иисус Христос шуиз: эн кошке Иерусалимысь, возьмалэ сое, мае кылӥды вал Атаелэсь, малы ке шуоно Иоанн вӧсяз вуэн, нош тӥ, кӧня ке нунал ортчыса, крестить каремын луоды Святой Духен. Тӥледлы кулэ ӧвӧл тодыны Святой Духлэсь вуон вакытсэ, но тӥ шӧдоды солэсь вылӥысь васькемзэ. Тӥ адӟись луоды Иерусалимын но, быдэс дуннеын но, музъем пумын но. Озьы шуыса, Иисус Христос люкаськем калыклэн син азяз инбаме ӝутскиз, собере Сое пилем ватӥз. Адямиос инбаме учконъязы адӟизы кык тӧдьы дӥсен пиосмуртъёсты. Кылчинъёс калыклы тазьы вазиськизы: Галилеяысь пиосмуртъёс, мар тӥ сылӥськоды но инбаме учкиськоды? Кызьы Иисус тӥ дорысь инме ӝутскиз, озьы ик Со дорады вуоз но».

Мар сярысь ивортэ апостолъёслэн та веранзы? Тросэз сярысь. Нырысь ик, Иисус Христослэн паймымон ужъёсыз сярысь, со уно сюрс калыклэн син азяз инме ӝутскиз, нош музъем вылын улыкуз, кӧня муртэ эмъяз, дышетӥз, улӟытӥз. Та учыр возьматэ: Святой Духтэк номыре но уг луы валаны музъем но инбам улонъёс сярысь. Та чуръёсты лыдӟыса, асьмеос пыр-поч, умой-умой валаны кулэ кылчинъёслэсь кылъёссэс. Соос шуизы: Ин Эксэймы кыкетӥзэ музъем вылэ лыктоз, кызьы соку инме ӝутскиз, озьы ик васькоз. Мукет сямен уз луы. Котькыӵе вакытэ вал, уката ик берло дыре, туж трос пӧяськисьёс, алданчи апостолъёс, туно-пелёос, азьланьзэ адӟисьёс. Ваньзэс соосты возьма бырон. Соин ик эн кылзэ сыӵе адямиосты, эн оске соослы, визьдэс эн сыналэ. Таӵе муртъёс Христослэн черкезлэсь туж кыдёкын.

Сьӧлыкан люкиз музъемез инбамлэсь. Но инме ӝутӥськонэныз Иисус Христос асьмелы возьматӥз выль дормылы сюрес, ин усьтэмын шонер улӥсьёслы, шуиз кадь. Асьмелы юрттон вылысь Святой Духез лэзиз, табере адями ачиз быръе, кызьы со улоз: йӧнъяськыса, лекъяськыса, пӧяськыса яке чылкыт малпанъёсын, сюлмаз яратонэн но Иисус Христослэн куронъёсызъя. Та праздник со сярысь ик вера но малпаськыны, дась луыны косэ Ин Эксэймылэн кыкетӥ лыктонэзлы.

* * *
Иисус Христослэн Ӝутӥськонэзлы сӥзем черкъёс вань шаерамы но. Престол праздникъёссэс та нуналэ (со котьку тупа четверге) пусъёзы Вотка ёросысь Перевознойысь, Вавож ёросысь Водӟиысь но Эгра ёросысь Чутырысь храмъёс.

Чутырысь черклэн туж тунсыко сюресэз. Нырысьсэ татын черк ӝутэмын вылэм 1752-тӥ арын, освятить каремын 19-тӥ мае. 1795-тӥ ар бере Удмурт музъем вылысь храмъёс Вятской епархие выжтэмын вал. Татысь духовной консистория 1819-тӥ арын 3-тӥ инвожое грамота гожтӥз Чутыре излэсь выль черк пуктон сярысь. Та храмез калык дас ар ӵоже лэсьтӥз, нош валтӥсь Вознесенской престолзэ освятить каризы ай 1848-тӥ арын.

Удмурт уездын Чутыр приход тужгес бадӟымез вал, татчы 70 гуртъёс но починкаос пыризы. Со бордысь бӧрысь кылдӥзы ини мукет приходъёс. Выль черк ӝутыны кутскем дырысен татын служба нуиз протоиерей Василий Раевский. Отец Василий удмурт кылэз умой тодэ вал. Кузпалэныз ӵош соос доразы школа усьтӥзы но арлы быдэ 12 удмурт нылъёсты грамоталы дышетӥзы, черкын кык хор кылдытӥзы. Со сяна, баӵко Чутырын сад мерттӥз, муш бакча усьтӥз, фельдшерлэсь ужзэ но быдэсъяз. Атайзылэсь адӟем карыса, черкын служба нуизы солэн пиосыз но. Кылсярысь, туж тодмо солэн Венедикт пиез. Та баӵко Шарканын но Вавожын тыршиз.

Ин Эксэйлэн инме ӝутсконэзлы сӥзем храмез кивалтӥсьёс косэмъя ворсазы 1939-тӥ арын. Нырысь сое школа каризы, собере машина, трактор возён станцилы пӧрмытӥзы, бӧрысь — складлы, перестройка вакытэ луиз клуб.

21-тӥ даурлэн кутсконаз та юртлэсь бур приделзэ берыктӥзы черклы. Татчы настоятеле юнматӥзы егит баӵкоез Дмитрий Самойловез. 2001-тӥ арын черкез тупатъяны кутскизы. Христолэн Ӝутӥськонэзлы сӥзем черкез освятить каризы 2010-тӥ арын 13-тӥ мае, Вознесение праздник дыръя. Тӥни озьы, нокыӵе шуг-секытъёс уг люкето ӟеч ужез быдэстыны, вань ке Ин Эксэйлы оскись но Солы молитваосын вазиськись калык.

Владимир Шкляев,
Удмурт епархиысь мис­сионеръёсын
ужан ёзэн ки­вал­тӥсьлэн воштӥсез
Туспуктэмез: www.temples.ru

Удмурт Дунне
By Удмурт Дунне 7 июня, 2013 13:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<