Дурова вал вылын но Кам дурын

Удмурт Дунне
By Удмурт Дунне 6 июня, 2013 12:48

Дурова вал вылын но Кам дурын

3

14-тӥ инвожое Сарапулын калыкез тодматозы выль памятникен. Синпелет сӥземын нылкышно офицерлы, Отечественной войнаысь героинялы Надежда Дуровалы.

Надежда Дуровалэн таӵе бадӟым синпелетэз ӧй на вал. Дуровъёслэн усадьба бервылазы стела гинэ сылэ. Та барельефез малпаз скульптор Юрий Петров, синпелет юнматэмын вал 1962-тӥ арын, Отечественной война кутскем дырысен 150 ар тырмыку. Со сяна, кылем арын «Надеждалэн городэз» фестиваль дыръя Н. Дуровалы синпелет пуктӥзы Сарапулысь Шор Прикамьелэн историезлы но культураезлы сӥзем музей азьын.

Скульптор Ринат Валиуллин возьматэм нылкышно офицерез ранение бере, эмъяськыны Сарапулэ бертыкуз. Нош 14-тӥ инвожое усьтоно памятникын кавалерист-нылмурт пукоз вал вылын. Сарапул город администрациысь пресс-службаен кивалтӥсь Татьяна Пеганова верамъя, выль памятниклэн авторез — Россиысь калык художник, скульптор Владимир Суровцев.

— Та усточилэн синпелетъёсыз Россиын гинэ ӧвӧл, кунгож сьӧрын но тодмо. Соин ик уката шумпотымон, быдэс дуннелы тодмо скульптор Надежда Дуровалы памятник бордын ужаз шуыса. Синпелетэз сиё-дано усьтом 14-тӥ июне 17 часын, нош 22-тӥ июне Владимир Суровцевлэн ик Александр Твардовскийлы сӥзем памятникез усьтӥськоз Москваын. Отечественной войнаысь героинялы синпелет туж чебер, бадӟым пӧрмиз. Со туйлэсь кисьтэмын, куинь метрлэсь ӝужытгес, сылоз гранит вылын. Таӵе бадӟым, йӧно памятник городамы ӧй вал на, малпасько, Сарапулын улӥсьёслы но дорамы лыктӥсь куноослы со кельшоз. Туйлэсь кисьтэм Дурова сылоз Кам шур дурын, — шуиз Татьяна Пеганова.

Галина Семёнова
Туспуктэмез: susanin.udm.ru

Удмурт Дунне
By Удмурт Дунне 6 июня, 2013 12:48
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<