Чуликен шудон

Удмурт Дунне
By Удмурт Дунне 11 июня, 2013 10:09
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Чуликен шудон

3

Шаерамы улӥсьёслы матысь нуналъёсы мӧзмыт уз луы — пӧртэм калыкъёслэн юмшанъёссы ортчозы.

Кылсярысь, 15-тӥ инвожое Ижын ортчоз мордваослэн Балтай праздниксы. Со нуналэ ик Балезино ёросын радъяськоз бесерманъёслэн Кӧрбанзы.

Праздниклэн режиссёрез — Ижысь Эшъяськон юртын ужась Дмитрий Корепанов — верамъя, Кӧрбан ортчоз Балезино ёросысь Юнда черкогуртын, праздник кутскоз 11 часын.

— Татын тулыс гырон-кизён ужъёслы йылпумъянъёс лэсьтозы. Адямиос ӝук пӧзьтозы, вӧсяськозы, кизем юоссы умой мед потозы, куазь шуныт зорзэ мед сётоз, няньзы мед удалтоз шуыса. Куноос, ческыт ӝукен кӧтсэс тырем сяна, шулдыръяськозы, пӧртэм конкурсъёсын вожвылъяськозы.

Кылсярысь, спортсменъёс кужымзэс мерталозы, дӥсьтӥсьёс вал вылын ворттылозы, мылкыд карисьёс чуликен шудозы (шальыен лэзьяськозы), гозы кыскалозы, валэз кыткозы-юскозы. Кӧрбанэ ог 700-1000 адямиосты витиськом. Татчы вуозы Балезино, Глазов, Юкаменск но Яр ёросъёсын улӥсь бесерманъёс, кырӟалозы-вералозы усточиос, бесерман коллективъёс. Бускельёссэс шулдыртыны вуозы Прадера гуртын улӥсь бигеръёс но, — шуиз Дмитрий Корепанов.

Та нуналъёсы ик тросаз районъёсын ёрос Герберъёс ортчозы. 23-тӥе Сарапул ёросын радъяськоз ӟуч культуралы сӥзем «Высокий берег» куинетӥез фестиваль, со нунал ик Грак ёросын ортчоз поръёслэн Семык шулдыръяськонзы. Эшъяськон юртысь ужасьёслэн верамзыя, соос 8 та выллем бадӟым празднике пыриськозы но ортчытыны юрттозы.

Галина Семёнова
Туспуктэмез: dm-iz.com

Удмурт Дунне
By Удмурт Дунне 11 июня, 2013 10:09
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<