Одӥг суредын — быдэс улон

Удмурт Дунне
By Удмурт Дунне 17 июня, 2013 13:13

Одӥг суредын — быдэс улон

kuchyran

Вавож ёросысь Гурезь-Пудгаысь К. Герлэн музеяз калык уг бырылы. К. Герд вордскем дырысен 115 ар тырмонэн валче татын огез бӧрсьы мукетыз ужрадъёс ортчо.

Алигес гурезь-пудга калыкенымы пумиськылыны вуылӥз Ижысь «Эмноюмно» группа. Кучыран Юра но Жон-жон Сандӥ (Юрий Лобанов но Александр Пушин) люкаськемъёсты тодматӥзы видеоартъёсын. Пӧлазы вал Гурезь-Пудгамылы сӥземъёсыз но.

Пумиськонэз шулдыртӥз Зозлуд-Каксялась «Бӧляк» калык коллектив. Соослы Юрий Лобанов кузьмаз аслэсьтыз суредзэ. Нош музейлы — Кузебай Гердлы сӥзем триптихсэ. Отын возьматэмын югдытӥсьмылэн быдэс улон сюресэз, пыртэмын кылбуръёсыз, ужъёсыз, мылкыдъёсыз-малпанъёсыз.

Люкаськем калыкез «Эмноюмно» паймытӥз улон шоры аспӧртэмлыко учкеменыз. Ужрад кинлы ке туж тунсыко потӥз, нош кудӥз отысь абдраса кошкиз.

«Лулы мынам — возь выл бубыли» — тазьы нимамы эшшо одӥгзэ музеямы ортчем ужрадэз. Конференция сӥземын вал удмурт калыклэн данъяськымон адямиосызлы Кузебай Гердлы но Ашальчи Окилы.

Ужрадэ пыриськизы Гурезь-Пудга школаысь нылпиос но дышетӥсьёс. Соосты тодматӥм Ашальчи Окилэн улэм но ужам сюресэныз, Кузебай Гердэн кусыпъёссы, эшъяськемзы, яратэмзы сярысь, югдытӥсьлы сӥзем кылбуръёсыныз. Нылпиос дасяллям Ашальчи Окилэсь кылбуръёссэ. Конференция пумын ортчытӥм на викторина.

Та ужрадэ озьы ик мылысь-кыдысь пыриськиз культура юртын ужась Полина Булдакова, со тодматӥз Ашальчи Окилэн кылбуръёсызъя гожтэ кырӟанъёсын. Кузебай Гердэн но Ашальчи Окиен данъяськемзэ, гажан мылкыдзэ вераз Гурезь-Пудга муниципал кылдытэтлэн тӧроез Владимир Горшков.

Лариса Протопопова

Удмурт Дунне
By Удмурт Дунне 17 июня, 2013 13:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<