Арня шорын — премьераос!

Удмурт Дунне
By Удмурт Дунне 14 мая, 2013 12:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Арня шорын — премьераос!

"Намер" спектакльысь суред

«Намер» спектакльысь суред

Таяз арняе учкисьёсты возьмало выль премьераос.

15-тӥ — 16-тӥ куартолэзе Удмурт театрын возьматозы выль спектакль — Анатолий Григорьевлэсь «Намер» пьесазэ. Спектаклез пуктӥз режиссёр Владимир Сафонов, крезьгур дасяз Марина Ходырева. Валтӥсь рольёсты шудо Вячеслав Краснопёров, Ольга Гаврилова, Вероника Садаева.

Пьеса маде странамылэн но калыкмылэн улоназ даур ӵоже ортчем воштӥськонъёс сярысь.

Азьвыл Намер гуртын трос улӥсез вылэм, нош али гуртын одӥг семья гинэ кылемын: Яковен Наталья кузпалъёс но 125 аресъем песянайзы.

2019-тӥ арын Намере солдат вуэ. Лякоп 100 ар талэсь азьло татысь Граждан оже кошкем но ивортэк ышем вылэм. Даур куспын мар но ӧз луы Лякоплэн семьяяз но, кунмылэн улоназ но. Пьесалэн жанрез притча шуыса валэктэмын.

"Великий Гэтсби" фильм

«Великий Гэтсби» фильм

Нош 16-тӥ куартолэзе Россиысь кинотеатръёсын кема возьмам премьераез — «Великий Гэтсби» фильмез возьматозы. Америкаысь писательлэсь Фрэнсис Скотт Фицджеральдлэсь романэзъя фильм пуктӥз режиссёр Баз Лурманн.

Таиз кино возьматоз учкисьлы 1920-тӥ аръёсы Америкаысь улонэз. Адямиос льӧль американ малпанзэс улонэ пыӵатыны уйисько. Валтӥсь героез — миллионер Джей Гэтсби ( шудэ Леонардо Ди Каприо) аслаз бадӟым юртаз ӵем гинэ шулдыресь юмшанъёс ортчытылэ, котыраз чебересь но узыресь муртъёсты люка. Та узыръёслэн улоназы сюре куанер писатель Ник Каррауэй (Тоби Магуайр). Ваньзэ сак синйылтыса но адӟемез сярысь малпаськыса, Ник гожтэ яратон но алдаськон сярысь, зарни-азвесь пӧлын пыласькись муртъёслэсь огшоры шуд шедьтыны быгатымтэзы сярысь роман.

Туспуктэмъёс: udmteatr.ru,
thegreatgatsby.warnerbros.com

Удмурт Дунне
By Удмурт Дунне 14 мая, 2013 12:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<