Вуюись коркаос

Удмурт Дунне
By Удмурт Дунне Май 31, 2013 10:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Вуюись коркаос

М. Опарин

М. Опарин

Ува посёлокын чебересь улон юртъёс ӝуто. Та ужен выро нимаз ужбергатӥсьёс. Соос пӧлысь тужгес устоез но азинскисез луэ «ИП А. А. Ожгихин». Татын вань ужъёсты быгатыса радъя но нуэ егит специалист Максим Опарин. Лэсьтӥськон удысын 12-тӥ арзэ ужа ни. Тодон-быгатон люказ Россиысь Спецстройлэн Удмуртиысь ёзаз, Камбаркаын лэсьтӥськиз.

— Максим Сергеевич, ку коркаос ӝутыны кутскиды но кыӵе выль амалъёсты кутӥськоды?

— Милемды тэтэ карисьёс уд шуы ни. Та ужез мытӥм 8 ар талэсь азьло. Вань базамы, техникамы но станокъёсмы. Уваын гинэ ӧвӧл, милемды тодо ни Ижын но куд-ог мукет интыосын. Отысь куронъёс вуо, одӥгзэ но быдэстытэк ум кельтӥське.

Котькуд удысын сямен ик ми но ужамы выль технологиосты кутӥськом. Вераськон мынэ монолит железобетон сярысь. Калыклы кельшо СИП панель коркаосмы. Отчы кутӥсько пенопласт но гипсокартон. Берлоез юртын шуныт возе. Адямилэсь тазалыксэ уг изъянты, угось борддор пушкы ватэмын. Асьмеос пул басьтӥськом но дуръёссэ волятӥськом-вӧлӥськом. Со юрттэ уксёмес шыръяны. Уваын 1 квадрат метр улон инты шорлыдын 30-33 сюрс манетэн ке вузаське, милям 25 сюрс манет усе.

— Нош ужасьёсты сярысь мар верасалды?

— Коллективмы бадӟым ӧвӧл, 25-30 мурт ужаськом, шоро-куспо арлыдмы 30 арес котыр. Ужасьёсмы умой уждун басьто, дорысьтымы уг кошко. Ог-огзылы юрттыса но ог-огзылэсь адӟем карыса, синмаськымон тыршо маляръёс Марина Кочурова, Надежда Аитова, Анна Смирнова, Александра Шышегова, плотникъёс Александр Лядов, Александр Назаров но мукетъёсыз. Соос дорамы кемалась ужало ни, оскем ужзэс быгатыса но чебер быдэсъяло. Озьы ми арлы быдэ шорлыдын 400 квадрат метр улон инты вуттӥськом. Туэ 30 корка пуктыны чакласьком. Со быдэстымон ужпум.

Плотникъёс А. Лядов но А. Назаров

Плотникъёс А. Лядов но А. Назаров

Корка лэсьтӥсьёс быгато ужаны но, спортэ но пырисько. Ёросын ортчылӥсь пӧртэм ужрадъёсы пыриськытэк ум кылиське, юрттэт но сётӥськом. Тани туэ посёлокын нырысьсэ ортчиз баскетболэн шудонъя А. Ожгихинлэсь приззэ басьтон понна ӵошатскон. Элькунысьтымы трос командаос отчы ветлӥзы. Нош кылем арын Сарапул городын нылпиосмы баскетболъя ик ӵошатсконын куинетӥ инты басьтӥзы. Тау кариськом тренерлы Денис Киселёвлы. Со мылысь-кыдысь тырше.

— Нош мар тӥледды тужгес сюлэмшугъяськытэ?

— Микрорайонын калыклы улыны умойгес мед луоз шуыса, магазинъёс, социальной объектъёс лэсьтӥськом, нош сюресъёсмы уродэсь. Со бадӟым сюлмаськон, ёрос но посёлок администрациос та ужлэсь уг палэнско ке но. Кыкетӥез, ваньмаз коркаосамы чагыр эстӥськон пыртымтэ на. Таиз но ужпум капчи ӧвӧл. Тол асьмелэн ӝыны ар кыстӥське, юртъёсты шунтоно.

Шуо, ми Уваез уката чебергес но шулдыргес кариськом. Азьланьын лэсьтӥськонмес уката паськытатом но, выль корка пырисьёслэн лыдзы тросгес луоз. Адямиослы кельшо СИП панель но каркас амалэн пуктэм юртъёсмы. Соос но чебересь пӧрмо, сыӵе юртъёсын микрорайонлы калык юнме шорысь «Радужный» ним ӧз сёты, вылды.

Адресмы таӵе: 427260, Ува каргурт, Новый пролка, 8 а юрт. Тел. 8(34130)5-33-20, факс 8(34130)5-35-14. Е-mail: shwepps2006@rambler.ru

Геннадий Романов
Туспуктӥз Владимир Беломорских

Удмурт Дунне
By Удмурт Дунне Май 31, 2013 10:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<