Уйзэс ортчытӥзы библиотекаын

Удмурт Дунне
By Удмурт Дунне Май 8, 2013 15:53
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Уйзэс ортчытӥзы библиотекаын

biblioui

Кемалась ик ӧвӧл Сарапулысь Н. Крупская нимо шор библиотека кыкетӥзэ пыриськиз ини «Библиоуй — 2013» ужрадэ. Та акция сӥземын вал славян письменность кылдэм дырысен 1 150 ар тырмонлы.

Сарапулысь библиотекаын ужасьёс городысь калыклы нош ик луонлык сётӥзы тунсыко ужрадэ пыриськыны но маке выльзэ тодыны, астэ возьматыны но выль эшъёс шедьтыны. Библиоуе лыктэмъёсты пумитазы Н. Гогольлэн, А. Пушкинлэн но Л. Толстойлэн произведениосысьтыз геройёс. Та образъёсты зэм но паймымон шудӥзы Сарапаулысь драмая театрысь артистъёс.

Удмурт Элькунысь культурая, печатья но ивортодэтъя министерстволэн пресс-службаез ивортэмъя, ужрад пӧртэм люкетъёслэсь кылыдтэмын вал. Котькудӥз аслыз тупасьсэ, сюлмызлы матын луисьсэ шедьтӥз. Кин ке Сарапуллэн историеныз тодматскиз, кин ке крезьгур дуннее зымиз. Мылкыд карисьёс кылзӥзы хип-хоп, рэп. Сарпулысь 26 номеро училищеысь усточиос куноосты туала модаен тодматӥзы. Кылбурчиос дорын но калык ӧжыт ӧй вал. Егитъёс пумиськылӥзы та городысь тодмо кылбурчиосын — Михаил Борисовен, Ольга Столяроваен Юрий Селивановен, Валентина Степанишинаен но мукетъёсыныз. Кылбуръёсын черламтэ адямиос киужен выризы, Сарапулысь кибашлыослэсь ужъёссэс учкизы, асьсэос маке пӧрмытыны тыршизы. Праздниклэн пумаз тужгес но устооссэ кузьымъёсын данъязы.

Галина Семёнова
Туспуктэмез: izvestiaur.ru

Удмурт Дунне
By Удмурт Дунне Май 8, 2013 15:53
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<