Улэп крезьгур

Удмурт Дунне
By Удмурт Дунне 30 мая, 2013 12:27

Улэп крезьгур

10

В. Третьяков бард — Москваысь ӧтем куно

Арлы быдэ Воткинск ёросын ортче кырӟан гожъясьёслэн но кырӟаны яратӥсьёслэн «Бабушкина дача» фестивальзы. Туэ со ортчоз Болгуры гурт дорын 21-тӥ-23-тӥ инвожое.

Ужрадэз радъясьёслэн верамзыя, та фестиваль 18-тӥез луоз ини. Котьку сямен татын калыкез шумпоттоз улэп крезьгур. Арысь аре татчы тросгес калык лыктэ. Огез ӟеч но выль крезьгур кылзон понна, мукетыз — тылскем дурын кырӟан вылысь, куинетӥез — инкуазьын шутэтскон понна. Берло аръёсы кырӟасьёс но крезьгурасьёс татчы быдэс семьяосын, бӧлякъёсын вуо. Нылпиослы но анай-атайёслы мӧзмыт медаз луы шуыса, фестивалез ортчытӥсьёс радъяло спорт ӵошатсконъёс, пӧртэм шудонъёс но конкурсъёс.

«Бабушкина дача» фестивале Удмуртилэн пӧртэм сэрегъёсысьтызы усточиос вуо, Москваысь, Екатеринбургысь, Казаньысь, Краснокамскысь, Чайковскийысь, Уфаысь куноос пырисько. Туэ но вуозы тодмо кырӟасьёс. Кылсярысь, Россиысь дано артист Виктор Третьяков. «Петербургский аккорд» калыккуспо фестивальын гран-при басьтэм кырӟась Лидия Чебоксарова. 2000-тӥ арысен со Россиын ортчись крезьгуро фестивальёсын дунъясьёс радын пуке. Россиысь тужгес тодмо аранжировщик, гитарист Евгений Быков. Екатеринбургысь крезьгурчи Александр Кулаев но Москваысь Иван Смирновлэн триоез.

Галина Савина

Удмурт Дунне
By Удмурт Дунне 30 мая, 2013 12:27
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<