Удмурт ансамбль — энциклопедиын

Л. Филиппова

Пермь улосвылысь Чайковский карысь «Зарни сӥзьыл» удмурт ансамбль пыртэмын Россиысь творческой коллективъёслы сӥзем «Богатство России» энциклопедилэн I томаз. Оштолэзе та книгалэн презентациез ортчиз Мокваысь Быдӟым ожлы сӥзем музейын. Отчы ӧтемын вал удмурт коллективлэн кивалтӥсез Людмила Филиппова.

«Богатство России» энциклопедиысь шедьтыны луоз ог 200 ансамбльёслэсь историзэс, туспуктэмъёссэс но контактъёссэс. Книгаез поттӥзы «Возрождение» фондэн кивалтӥсьёс но «Единство России» эктонъя тодмо фестивалез радъясьёс Ирина но Алексей Соколовъёс. Та издание азьланьтӥське на.