Тылпу кысо… мылкыд карисьёс

Удмурт Дунне
By Удмурт Дунне 6 мая, 2013 12:20
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Тылпу кысо…  мылкыд карисьёс

Г. Дорофеев но С. Баранов машиназэс эскеро

Г. Дорофеев но С. Баранов машиназэс эскеро

Та вакытэ шаерамы ужало 2 сюрс 500 пала тылпу кысӥсьёс-профессионалъёс. Вань куронъёсты чаклано ке, соослэн лыдзы кык-куинь поллы тросгес луыны кулэ. Югдурез тупатон вылысь 2012-тӥ ар пумын шаерамы 7 сюрс пала доброволецъёс ужзэс мытӥзы.

Кытын но отын тылпулэсь утиськон командаос но дружинаос кылдытэмын. Котькинлы адӟем карымон тыршо Пичи Пурга ёросын. Вань муниципал кылдытэтъёсын тылпулэсь утиськонъя командаос ужало, тужгес бадӟым данъяськонзы — Яган-Докья гуртысь тылпу кысӥсьёслэн юрттӥсьёссы. Соос котькинлэсь вазь команда кылдытӥзы.

— Чик ӧвӧл шуэмысь, азьвыл аръёсы но милям совхозамы тылпу кысӥсьёсмы вал, — шуэ Брангурт муниципал кылдытэтлэн йырыз Надежда Девятова. — Совхоз куашкамен, тылпу кысӥсьёсты возьыны нокинлы вал. Нош табере выльысь кылдытӥзы тылпулэсь утиськон командаос. Мылкыд карисьёс дружинник луыса ужало. Та ужез мыло-кыдо быдэстӥз со вакытэ муниципал кылдытэтэн кивалтӥсь Михаил Бектуганов. Али Яган-Докьяын ньыль муртлэсь команда кылдытэмын, витетӥез вошъясь луэ.

Муниципал кылдытэтэ Брангурт, Чутожмон, Пуро-Можга но Ильинск гуртъёс пыро. Котькудаз дружинникъёсмы вань, соос киын ик мотопомпаос возисько, котькуд гуртын ву басьтон интыос кылдытэмын.

Туннэ нуналлы Брангурт миниципал кылдытэтын 904 юртын 2 сюрс 392 улӥсез. Эмъяськон юрт, школа, нылпи садъёс, культурая юртъёс вань. Кышкытлыклэсь утиськон вылысь калык пӧлын валэктон уж уиське. Коньдонэн шуг-секытъёссы уг кылдо, арлы быдэ шаермылэн бюджетысьтыз 100 сюрс манет висъяське.

Кылем арын со коньдонэн Чутожмон гурт котыре тылпу кысӥсьёслы ву басьтон инты кылдытӥмы, — веранзэ азьланьтэ Надежда Васильевна. — Туэ басьтомы рукавъёс, гуртъёс котырысь музъемъёсты гыром, калык пӧлын валэктон уж нуон вылысь нимысьтыз стендъёс кылдытом.

Тылпу кысон командаысь адямиослы пичильтык уждун тыриськомы, нош дружинникъёс югдурез чаклало ас мылкыд каремзыя, соос дас кузя. Дружинникъёс мозмытэмын музъем понна выт тыронлэсь.

Тылпу кысӥсьёслэн командаязы нырысь ик пыриз Григорий Дорофеев — совхозазы трос аръёс ӵоже водительын ужам мурт.
— Команда кылдытэмлэсь азьло, муниципал кылдытэтэн огкыл гожтыса, тыршимы, — вера Григорий Николаевич. — Бер сӥзьыл вал со, куштӥськем гаражлэсь юртсэ милемлы сётӥзы. Ваньзэ пыр-поч тупатъямы, укнооссэ клёнкаен лякылыса, толзэ потӥмы. Сётэм вуж машиназэс трос тупатъяно луиз. Секыт йӧтӥз 2010-тӥ ар. Тылпу кысыны со аре котькулэсь трос потамы.

Яган-Докья гуртысь тылпу кысонъя команда кыкетӥ арзэ ужа. Гуртысь тылпу кысӥсьёс Пичи Пурга черкогуртысь тылпу кысӥсьёслэн нырысетӥ юрттӥсьёссы луо. Тылпуэз алыны капчи шуиськомы ке но, гурт калык та верамез пеляз уг поны, шӧдске. 2011-тӥ арын кык мурт, ӵын пушкын ӝокаса, кулӥз. Кылем тулыс гуртысь депутатъёсын ӵош тылпу кысӥсьёс калык пӧлын валэктон уж ортчытӥллям, котькуд юртэ пыраса, муръёзэс, мунчо гуръёссэс, электро езъёссэс эскериллям. Курытсэ яратӥсьёсты но сак эскеро.

Городын сямен ик, гуртъёсын но тужгес кышкыт вакыт — тулыс но сӥзьыл, — шуэ Г. Дорофеев. — Нунал ужаськомы но куиньзэ шутэтскиськомы ке, тулыс вакытэ озьы гинэ уг луы. Нюлэскын шутэтскисьёсты чакланы потаськомы ужамтэ нуналъёсмы дыръя но. Шутэтскон нуналъёсы егитъёс картошка пыжыны потало, соослэсь тылскем бервылзэс эскерыны ветлӥськомы. Сӥзьыл куаретоно луэ картошка пудзэс сутӥсьёсты.

Гуртысь тылпу кысӥсьёс нуналлы быдэ машиназэс ужатыса эскеро. Муниципал кылдытэтэ пырись гуртъёсын сяна, Яган-Докьяысь команда юрттэт сётыны дась Аксак но Кечол гуртъёсын. Валамон, гуртысь тылпу кысӥсьёс быдэсак кылзӥсько Пичи Пурга черкогуртысь пожарнойёслэсь, соослэсь куронъёссэс быдэсто.

Азьвыл аръёсы яган-докьяослэн вуж ЗИЛ машиназы вал ке, кылем арын соос, шаерамы ортчем ӵошатсконын нырысетӥ инты басьтыса, АРС-14 выль машина утӥзы.

Яган-Докьяысь тылпу кысӥсьёс Андрей Русаев но Сергей Баранов кемалась ик ӧвӧл Оренбургысь вуизы. Приволжск федерал округысь 26 команда тылпу кысон тӥрлыкен ужаны быгатэмзэ эскериз. Удмуртъёс 6-тӥ интые потӥзы. Табере дасясько Ульяновске мыныны.

Гуртысь дружинникъёслэн но ас мылкыдзыя тылпу кысонъя командаосы пыриськисьёслэн удыссы, пожарнойёслэн сярысь, сокем кышкыт ӧвӧл ке но, семьяоссы сюлмасько, тылпутэм нуналъёс сӥзё.
* * *
Та вакытэ шаерамы рос-прос ужа тылпулэсь утиськонъя 175 команда но 120 дружина, ваньмыз-ӧвӧлэз отын 1 cюрc 500 пала адями. Адӟем карымон луо «Увадревхолдингысь», Можга ёросысь «Россия» огазеяськонысь дружинникъёс, Сарапул ёросысь Дулесово гуртысь ЖКХ удысын тыршисьёслэн командазы. Со сяна, ИжГТУ-ын но УдГУ-ын нимысьтыз отрядъёс кылдытэмын, нош Ижысь медакадемиын, Глазысь пединститутын но Ижысь гурт хозяйствоя академиын тылпулэсь утиськон дружинаос ужало.

Валентина Емельянова
Туспуктӥз автор

Удмурт Дунне
By Удмурт Дунне 6 мая, 2013 12:20
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<