Нюлэсэз уен-нуналэн утялто

Удмурт Дунне
By Удмурт Дунне Май 14, 2013 10:23
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Нюлэсэз уен-нуналэн утялто

Нюлэс корась Алексей Филиппов

Нюлэс корась Алексей Филиппов

2010-тӥ арын куазь кӧс улэмен, Удмуртиысь тросаз районъёсын нюлэсъёс куасьмизы. Со туж трос шуг-секытъёс кылдытӥз. Кылсярысь тылпу потон ласянь кышкытлык будӥз.

Куасьмем нюлэсэн нюръяськон мынэ ни кӧня ке ар, нош пумыз-йылыз уг на адӟиськы. Дэмен та уж борды басьтӥськизы алнашъёс но. Алнаш лесничестволэн кивалтӥсезлэн воштӥсез Александр Токарев верамъя, туэ утялтӥськон ужъёс 464 гектар вылын быдэстэмын луозы. Соос нырысь ик радъямын гуртъёслы матысь сикъёсын.

Толалтэ та ужен выризы «Удмуртлесысь» 6 бригадаос но «Восток Ресурс» огазеяськонысь пу дасянъя 2 комплексъёс.

Нырысьёсыз али мукет ёросъёсын утялтӥськон но писпу мерттон ужъёсын выро ке, «Восток Ресурсысь» ужасьёс Алнаш ёросын ик азинто мытэм ужзэс.

Алигес мыным вуылыны кылдӥз Асан совхоз-техникум черкогурт вӧзысь нюлэс куше. Малпасько вал: пумитало тӥръёсын но бензопилаосын ужасьёсты, но янгышаськем. Татын огсыр ужало вал кунгож сьӧрын поттэм кык тракторъёс. Соос юромо нюлэскын берганы чакламын. Огез писпуосты погыръя но сое, вайёсызлэсь сузяса, вандылэ, мукетыз вандылыса дасям коръёсты, кыралэ поттаса, артанае люка. Озьы вань ужъёсты воксё кык адями гинэ быдэсъя. Сменазы 12 час кыстӥське. Соосты вошто эшъёссы. Уло нюлэскын ик питранъёс вылын лэсьтэм коркан: отын ик шутэтско но сиён пӧрало. Озьы куасьмем кызъёсты погыръян уен-нуналэн мынэ. Уйин ужало фараослэн югытсыя. Уй-нунал куспын нюлэс корасьёс 1-1,5 гектар вылысь куасьмем писпуосты утялтыны вуо. Штабельёсын вузаны дасямын ни 38 сюрс 700 кубометр кӧс нюлэс.

Та уже гурт калык но пыриське. Соослы нюлэс пичиятэм дунын висъяське. Со ваньмыз сямен пулы мынэ.
Азьпалан ужъёс трос ай. Соос матысь аръёсы но азинтӥськозы.

Леонид Ушаков
Туспуктӥз автор

Удмурт Дунне
By Удмурт Дунне Май 14, 2013 10:23
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<