Кызьпу арамае, эшъёс!

Удмурт Дунне
By Удмурт Дунне 21 мая, 2013 09:54

Кызьпу арамае, эшъёс!

2Ижысь Кызьпу арама 12-тӥ июне нош ик возьма Гербере! Ижын улӥсьёс но куноос кема аръёс ӵоже ни отын ӵошен пусъё гырон-кизён вакытлэсь йылпумъяськемзэ.

Ижысь Индустриальной ёрос администрациысь культурая, мугор ёзвиосты кыдатонъя но егитъёсын ужан политикая ёзысь специалистъёслэн ивортэмзыя, юмшанлы тунсыко программа дась ни. Отын одно чузъяськозы шулдыр гуръёс, луозы шудонъёс, эктонъёс, ӵошатсконъёс…

Ужрадэз сӥё-дано усьтон дыръя возьматэмын луоз гырон быдтонэз ортчытон йылол. Задор мылкыд кузьмалоз фольклор кырӟанъя «Айкай» театр. Отӥяз ужаны кутскозы пӧртэм площадкаос: «Зарни киос», «Гербер шудонъёс», «Нылпи азбар»… Туэ нырысьсэ луозы «Гербер паръёс», «Чеберай» но «Эрико микрофон» площадкаос. Нырысетӥяз егит семьяос куспын ӵошатсконъёс чакламын, кыкетӥяз учкыны но басьтыны луоз Татьяна Москвина дизайнерлэсь удмурт дӥсьёссэ. Тӥ кырӟаны-вераны усточи ке — туж тупалоз куинетӥез площадка.

«Удмурт Кенеш» огазеяськонлэн ёросъёсысь ёзъёсыз котьку сямен ик вӧлъялозы азбаръёссэс. Татын вань мылкыд карисьёс пыриськыны быгатозы удмурт пӧрамъёсъя мастер-классъёсы. Вӧсям ӝук одно луоз! Сое пӧзьтозы Индустриальной ёрос администрация но «Удмурт Кенешлэн» та ёросысь ёзэз.

Герберлы дасяськыны дыр кӧня ке вань на. Соин ик кинлэн мылкыдыз вань валтӥсь сцена вылэ потыны, калыкез шулдыртыны, вазиськоно Индустриальной ёрослэн администрацияз. Жингыртыны луоз 44-22-71 номеро телефонъя яке гожтоно sudakova@indr.izh.ru электрон почтае.

Элина Кумачёва
Туспуктӥз Владимир Беломорских

Удмурт Дунне
By Удмурт Дунне 21 мая, 2013 09:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<