Калыкез паймытъя пичи Вани

Удмурт Дунне
By Удмурт Дунне 21 мая, 2013 10:22
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Калыкез паймытъя пичи Вани

Ужрадэз шулдыртӥзы нылпиос

Ужрадэз шулдыртӥзы нылпиос

Свердловск улосын ортчиз тодмо удмурт азьветлӥсьёслы Кузебай Гердлы но Ашальчи Окилы 115 ар тырмонлы сӥзем ӝыт.

Радъязы сое Свердловск улосысь удмурт культурая «Эгес» огазеяськон, пӧртэм калыкъёсын ужась библиотека но Екатеринбургысь удмурт культурая автономия. Ужрадэ вуылӥзы Удмуртиысь но Тюмень улосысь куноос. Дасямын вал тунсыко программа. Нылпиос но егитъёс пӧлын удмурт кылбуръёсты лыдӟонъя конкурс ортчиз. Люкаськемъёсты шулдыртӥзы пичияк концертэн. Библиотекарьёс радъяллям удмурт писательёслэн книгаосынызы адӟытон, валтӥсь интыын луизы Кузебай Гердлэн но Ашальчи Окилэн ужъёссы.

Анай кылын кылбуръёс лыдӟонъя конкурсэ пыриськизы Екатеринбургысь арняосы ужась «Ваёбыж» удмурт классэ ветлӥсь пиналъёс но вузъёсысь студентъёс. Таӵе ӵошатскон нырысьсэ радъяськиз. Но азьланьын, оскиськом, будӥсь кивоштӥсьёсмылэн удмурт кылын тунсыкъяськонзы йылоз, конкурсэ пыриськыны мылкыд карисьёс тросгес луозы. Бен, али но вань ни пусйымонэз: студентъёс пӧлын кылбур котькинлэсь усто лыдӟизы Валерий Иванов но Наталья Машканцева. Екатеринбурге дышетскыны соос вуэмын Башкириысь но Удмуртиысь. Школаын дышетскисьёс пӧлын конкурслы тужгес ӟеч дасяськиллям Ирина Пшеницына, Юлия Чернова но Владислав Мирвода. Кылбур лыдӟисьёс пӧлын тужгес пичиосыз вал Артём но Ярослав Суфияровъёс — ужрадэ люкаськемъёс соослы туж синмаськизы. Ӵошатсконэ пыриськемъёс ваньзы басьтӥзы «Эгес» огазеяськонлэсь дипломзэ но синпель кузьым.

Концерт но огъя мылкыдын-кужымен ортчиз. Ижысь «Эшъёс» коллектив люкаськемъёсты тодматӥз Кузебай Гердлэн но Ашальчи Окилэн кылъёссыя гожтэм кырӟанъёсын. Пичи Пурга ёросысь «Ӟечбур» трио паймытӥз Альбина Урасиновалэн гуръёсыныз, Альбина Яковлевна ачиз но кырӟаз. Тюменьысь удмурт культурая огазеяськонлэн нимыныз сцена вылэ потӥз «Оскон» дуэт, таиз туала гуръёсын шулдыртӥз. Свердлоск улосысь куинь коллектив концертэ пыриськиз: Екатеринбургысь «Азвесь гур», Дегтярскысь «Италмас», Ревдаысь «Чусву». Бордазы итӥськиз Сысертьысь Мария Даутова. Малпасько, вань учкисьёслэсь сюлэмъёссэс тужгес вырӟытыны быгатӥзы «Азвесь гуре» ветлӥсь атаен-пиен Василий но Ванечка Абкадировъёс. Ванилы 5 арес гинэ ай, но со сюлмысь дышетске ни гармошкаен шудыны.

Куноос буш киын вуиллямтэ. Ижысь 25 номеро библиотекалэн кивалтӥсез, фольклоръя «Эшъёс» коллективлэн кивалтӥсез Надежда Пономарёва «Эгес» огазеяськонлы «Удмурт Кенешлэн» нимыныз кузьмаз Кузебай Гердлэсь, Ашальчи Окилэсь, Роман Валишинлэсь но мукет удмурт писательёслэсь книгаоссэс, Удмуртиын печатласькись газет-журналъёсты. Пумиськон ӧз ортчы куноятонъёстэк но. «Эшъёс» пыжыса вайиллям удмурт калык сиёнъёсты: перепеч но кокрок, тюменьёс — пӧртэм пушкесэн кутэмняньёс, нош Свердловск улосын улӥсьёс куно пумитан ӝӧк вылазы нянь колды, табань, ческыт пыжкемъёс но трос мукетсэ пуктыса дасяллям. Оскисько, таӵе пумиськонысь ваньзы ик ӟеч мылкыдын кошкизы.

Мария Ягуткина
«Эгес» огазеяськонлэн кивалтӥсез

Удмурт Дунне
By Удмурт Дунне 21 мая, 2013 10:22
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<