Газ зынэн шокаса но газлы ӟудыса…

Удмурт Дунне
By Удмурт Дунне Май 17, 2013 14:45
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Газ зынэн шокаса но газлы ӟудыса…

Кудпала берыктоно гумыез?

Кудпала берыктоно гумыез?

Гажано «Шӧкыч»!

Якшур-Бӧдья ёросысь Кыква гуртамы кемалась ини, газ кыскозы шуыса, сӥзё. Котькуд быръёнъёс азьын оскыто: одно ик коркаосады шуныт вуоз. Быръёнъёс ортчо, кулэ адямиез яке партиез быръё но газ сярысь вунэто. Берпуметӥ быръёнъёс азьын но гочатӥзы, будто ке проект но лэсьтыса, гуртэтӥ ветлӥзы. Но нош ик, коркаосамы кожатэк, лобӟиз шуныт. Гурт калык кайгыре, оло воксё но газ уз вуы ни шуыса. Кытысь ке тодӥллям: районъя отчётъёсын, пе, Кыкваын газ пыртэмын ини шуыса, гожтэмын.

Тужгес ӝож тани ма. Милям вӧзамы Киёнгоп мувӧй кыскон инты. Ӝытъёсы газ зынэн шоканы но уг луы, нош коркаез пуэн эстӥськомы. Толзэ потыны 4 трактор уробо пильылымтэ пу кулэ. 1 уробоез сылэ 4 сюрс манет. Нош кыӵе гань-гань улэм потэ!

Вахрушевъёс, Широбоковъёс

Шӧкычлэсь. Мукши гурт администрациын но таӵе югдурлэсь уг танӥсько: 8 ульчаын, пе, 356 кузя улӥськомы, сӥзёнъёссылэсь туж жадимы ни. Кылем ар пумын, зэмен ик, гуртсы кузя, проект лэсьтыса, ветлӥллям. Кызьы бызьылӥзы соос, озьы ик ышизы. Якшур-Бӧдья ёрос администрацилэн воштӥсез, лэсьтӥськонъя но коммунальной услугаосъя управлениен кивалтӥсь Олег Варавинов та пумысен вера:

— Кызьы, Кыкваын газ пыртэмын ни шуыса, отчётъёсын пусъемын луоз меда?! Гумыос кыскон пумысен проект лэсьтонъя документъёсмы йылаз-пумаз вуттэмын ӧвӧл на. Удмуртиысь «Дирекция «Стройгазинвест» огазеяськон дыртытысалыз ке, ӝоггес вырысалмы. Ми бордысь номыр ик уг поты уго. Туннэ тодмо: 2013-тӥ арын Кыквае газ уз вуы. Коньдон луиз ке, оло, вуоно арын маке со пиштоз ик. Но шуныт куке-соку одно ик вуоз.

Олег Варавинов пусйиз созэ но: кыкваос, пе, асьсэос 2000-тӥ аръёслэн кутсконазы коркаоссэс газэн эстонлы пумит кариськизы. Школа-садзэс но культура юртсэс газэн эстон вылысь одӥг ульчаетӥзы гумыос кыскиллям. Мукетъёстӥз но чагыр эстӥськон лэзьыны туртто вылэм: улӥсьёс пуэн но эстӥськыны луэ шуиллям. Одӥг ульчаязы туннэ майбыр уло. Нош мукетъёсаз табере вожъясько но лулӟыло. 1 иськем газ кыскон усе 1 миллион 200 сюрс манет тыр. Нош Кыквае со гумыосты 4 иськем кузьда кысконо.

Озьыен, пу тросгес ик дасяно луоз на кыкваослы…

Удмурт Дунне
By Удмурт Дунне Май 17, 2013 14:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<