Бадӟым выльдӥськон

Удмурт Дунне
By Удмурт Дунне Май 6, 2013 10:06
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Бадӟым выльдӥськон

votkinskКун Кенешысь экономикаын политикая, промышленностья но инвестициосъя ялан ужась комиссия та нуналъёсы ужаз Вотка городын. Отын радъям кенешонэз нуиз комиссилэн кивалтӥсез Владимир Варламов.

Кенешонын эскеремын кык валтӥсь ужпум: 2015-тӥ арын П. Чайковскийлэсь 175 ар тырмонзэ пусйыны дасяськон, озьы ик Воткинскез моногород чотын азинтон.

Кызьы ивортӥз Воткинск город муниципал кылдытэтлэн йырыз Владимир Перевозчиков, «Чайковский — 175» программаез быдэстон улсын чакламын бадӟым ужъёс.

— Выльдыны-тупатъяны чаклам объектъёс пӧлысь 30-эз герӟаськемын Чайковскийлэн нимыныз, — вера Владимир Перевозчиков. — Солэсь музей-усадьбазэ тупатъянлы висъяськоз 15 миллион манет. Со пӧлысь 7 миллионэз вуоз федерал кисыысь. Огъя вераса, выльдӥськоз быдэс Воткинск: ӝутскозы нылпи садъёс, туала тусо луозы «Юбилейный», «Октябрь», «Победа» культурая юртъёс, «Знамя» стадион, П. Чайковский нимо искусствоосъя 1 номеро нылпи школа, озьы ик пуктӥськоз поликлиника. Тамында объектъёсты улонэ пыӵатыны дыр трос ӧз кыльы ни.

Владимир Перевозчиков сюлэмшугзэ усьтӥз объектъёсты тупатъян понна проектъёс али ик дасяно ни. Но та ужлы коньдон ӧз вуы на. Проектъёс дась ӧз луэ ке, туэ гужем «буш» ортчоз — выльдэмын уз луы программае пыртэм одӥг объект но. Нош вуоно гужем куспын гинэ вань та ужез быдэстыны шуг луоз. Мар кароно?

Та пумысен депутатъёс пӧлын ӟырдыт кенешон пуромиз. Воткинскысь кивалтӥсьёсты янгыше уськытӥсьёс но шедизы: программаез быдэстыны уг сюлмасько. Татын ик шараяськиз — лэсьтӥськон ужъёсты быдэстон дыр рос-прос нокытын юнматэмын-чакламын ӧвӧл. Владимир Варламов пусйиӟ та программаез быдэстонэз Воткинск вылэ гинэ ныпъяны шонер уз луы — город ваньзэ огназ уз вормы.

Ялан ужась комиссие пырись депутатъёс огкылэ вуизы: та ужпумез син шорын возёно.
* * *
Федерал куронъёсъя карез моногородъёс пӧлы пыртыны луэ, городысь 25 процентэз улӥсьёс одӥг бадӟым предприятиын тыршо ке. Удмуртиын таӵе каръёс куинь — Воткинск, Глазов но Сарапул.

Воткинск моногородэз азинтонъя программа шаерамы пыӵаны кутскиз 2011-тӥ арысен. Федерал бюджетысь вуиз 200 миллион манетлэсь ятыр, республикамылэн кисыысьтыз — 331 миллион манет, Воткинск городлэн бюджетысьтыз — 39 миллион. Та уксёен выльдӥськизы ни городысь уноез социальной юртъёс. Но озьы ке но моногородэз азинтонлы тужгес но шӧдскымон юрттэт вуиз инвесторъёслэсь — соос 887 миллион манетсэс «сӥзизы» бизнес-проектъёссэс улонэ пыӵатонлы. Озьы кылдытэмын вал 1 сюрс 194 ужан интыос. Пусйымон: шаерамы ужтэк кылемъёслэн лыдзы тужгес но ичи Воткинскын — 500 адями. Таослы но котькудӥзлы инты ӵектэмын, но ужамзы уг поты, пусъё Воткинск городлэн администрациысьтыз специалистъёс.

Экономикаын политикая, промышленностья но инвестициосъя ялан ужась комиссие пырись депутатъёс вуылӥзы Воткинскысь «Вектор» заводэ. Со кылдытэмын кунгож сьӧрысь (Польшаысь) инвестициос чотын. Заводын бичало электрокужымез радъясь электрощит станциосты. Производство радъямын туала куронъёсъя. Специалистъёслэн шоро-куспо уждунзы — 40 сюрс манет. Та вакытэ отын тыршо 300-лэсь ятыр адямиос. Матысь дыре соослэсь лыдзэс эшшо йылтыны чакламын.

«Вектор» заводлэн уженыз тодматскыса, Кун Кенешысь депутатъёс огкылэ вуизы: Воткинскын улӥсьёслэсь, озьы ик та предприятиын тыршисьёслэсь куронзэс санэ басьтоно — заводэз герӟано котыр сюресэн, тае чаклано Воткинск моногородэз азинтонъя программаын. Со понна ӝутоно одӥг иськем сюрес. Озьы продукциез палэнэ вузаны-нуыны луонлыкъёс паськыталозы. Нош таин валче йылоз городлэн бюджетэз, ӟечомоз калыклэн улонэз.

Елена Никитина

Удмурт Дунне
By Удмурт Дунне Май 6, 2013 10:06
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<