Ӧтчаське Анлаш батыр

Удмурт Дунне
By Удмурт Дунне 21 мая, 2013 10:13
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ӧтчаське Анлаш батыр

2

Шаерамы Гербер шулдыръяськон туэ 22-тӥзэ ортчоз. 29-тӥ июне куно пумитаны дасясько алнашъёс. 30-лэсь ятыр делегациос, ваньмыз-ӧвӧлэз 1 сюрслэсь ятыр куноос вуозы. Кунгожсьӧръёс но трос луозы.

Нырысетӥ Гербер та ёросысь Кузёбай гуртын радъямын вал. Аръёс ортчыса, алнашъёс нош ик куно пумитаны дасясько. Таяз учыре но куноосты паймытыны малпало. Калыкез ӧтчалозы Алнаш черкогуртлэн Блатгурт палаз, Алнашка шур котырысь возь вылэ. Туннэ нуналлы ӵаш! поттыса лэсьтӥськон ужъёс мыно: возьёсты ӵошкытато, сценаос дасяло. Черкогуртын улӥсьёс но куно пумитанлы дасясько: юрт котырзэс чеберъяло.

Юмшанлэн сценариез быдэсак дась, пӧртэм площадкаос луозы: нылпиос, кырӟась-верасьёс, кибашлыос, спортэз гажасьёс понна «Эшъяськон тугоко», «Алнаш гуръёс», «Кунокуа», «Мыло — кыдо» но мукет сэрегъёс.

Нимысьтыз саклык висъяськоз куно пумитанлы. Котькуд делегация Алнашлэн чебер интыосыныз тодматскоз. Кызьы ивортӥз Алнаш ёрос администрациын ужась Валентина Иванова, отӥяз ваньзы шулдыръяськон интые люкаськозы. Куноослы капчи мылкыд кузьмалозы Асанысь но Улын Сырьезьысь кырӟась-верасьёс. Гербере вуэмъёсты Анлаш батыр пумиталоз, «Туннэ нуналысь — шулдыръяськонэ» выж вамен поттыса, котькуд кунолэсь пукыӵен ыбылӥськыны быгатэмзэ эскероз.

Озьы ик та Герберын нырысьсэ ортчытыны чаклало вал вылын ворттылонъя ӵошатскон. Нош ужрад йылпумъяськоз егитъёслэн «Шундэктон» юмшанэнызы. Ӝытэз шулдыртозы туала удмурт эстрадаысь артистъёс но егит кырӟась-верасьёс.

 Валентина Емельянова
Туспуктӥз Владимир Беломорских

Удмурт Дунне
By Удмурт Дунне 21 мая, 2013 10:13
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<