3-тӥ инвожо — 9-тӥ инвожо

Удмурт Дунне
By Удмурт Дунне Май 31, 2013 14:28

Така. Кыӵе ке тодмоды тӥледыз быдэс арнязэ акыльтытыса возёз. Кытчы ке мыныны дасяськиськоды ке, сюрес вылэ потэ арня кутсконын. Пуксёнэ электроен чаклаське. Арня шорын бадӟымесь вормонъёс витё. Удмуртарняе нокытчы эн дыртэ.

Ош. Кыӵе учыръёс, югдуръёс кылдозы та арняе, ваньзэ пыр-поч эскере но йылпумъянъёс лэсьтэ. Арняды секыт вераськонэн кутскоз. Эн пегалэ солэсь, озьы гинэ шуг-секытъёсты вормоды. Та нуналъёсы кӧня ке ужъёс борды кутсконо луоды. Арня шорын умойгес кылзэ, мар вера тӥледлы сюлэм куарады.

Кыктоос. Кыӵе ужъёс но кенешонъёс луозы таяз арняе, ваньмыз сямен тӥледлы пайда ваёзы. Кузь сюрес вылэ пуксёнэ эн поталэ. Та нуналъёсы уката дӥсьтӥсьгес кариське, соку удалтонлык тӥ дорысь уз пегӟы. Шутэтскон нуналъёс выль омыр пыртозы гажан муртэныды кусыпъёсады.

Кисло-кусло. Льӧль малпанъёсты таяз арняе зэманы быгатозы. Вордӥськонэ туж кулэ ивор кылоды. Азьланяз тӥ сое ужады кутыны быгатоды. Кивалтӥсь луэмды потэ ке, али лулысь-сюлмысь тыршоно, тӥлесьтыд ужамдэс эскеро но дунъяло. Юнме уг. Покчиарняе кивалтӥсьёс доры пыралэ. Арня пумын коньдон басьтоды.

Лев. Коньдон ужпумъёсын воштӥсь-конъёс луозы. Тӥ керетӥсь муртъёсты люконо луоды яке асьтэдыз ӵашетонэ кыскозы. Пуксёнэ паймымон пумиськон луоз. Удмуртарняе трос коньдон быдтоды. Шутэтскон нуналъёстэс семьяеныды туж умой ортчытоды. Керетэм адямиос огкылэ вуозы.

Нылмурт. Кыӵе ке ужпумъя тӥ специалист ӧвӧл ке, эн тодӥсьяське, эн визьмояське. Кылдэм югдурез сэрттон понна вазиське та удысын тыршись муртлы. Арня кутсконын туж сак луэ. Тӥ огшоры интыын но янгыш кельтыны быгатоды. Покчиарняе мае ке вунэтоды яке ыштоды.

Весъёс. Мар борды кутскиды, эн дугдэ, ужъёстэс одно ик йылпумъялэ. Урод сямъёсты тӥледын кивалтыны ӧдъяло ини, соослэсь мозмытскон сярысь малы ке уд малпаське на, нош дыр вуэмын ини. Арнялэн кыкетӥ люкетаз нокыӵе пумиськонъёс эн радъялэ. Нырысь учкыса оскымон потӥсь адями зэмзэ ик сыӵе оскымон уз луы.

Скорпион. Таяз арняе туж трос эн ужалэ. Асьтэдыз кияды возе, тӥ бордысь потоз, кыӵе луозы гажан муртэныды кусыпъёсты. Мылкыдъёсты визьдэс вормозы, соин ик воксё валантэм, паймытӥсь вамышъёс лэсьтоды. Тазалыкты уз шугъяськыты, нош коньдон пуйыды бӧрдытоз.

Ыбылӥськись. Та нуналъёсы кивалтӥсьёсты лякыт луозы, тӥледлы нялтас кариськозы. Кинлы ке туж ӟеч выль уж инты ӵектозы. Арня шорын трос командировкаос луозы. Ӵыжы-выжыостэс эн курлалэ, эн дышетэ, соку кусыпъёсты но вольытэсьгес луозы. Тазалыктэс эскерыны эн вунэтэ.

Сюро кеч. Кисыяды шалтыртӥсез шӧдскымон йылоз. Уж дурады уката ик сак луэ арня кутсконын. Пуксёнэ асьтэдыз кырмыса эн возе. Эрик сётэ тужгес паймымон малпанъёстылы но бадӟым планъёстылы. Огкылъёс гожтэ покчиарняе. Кӧснуналэ кузьыт, курыт сиён эн веръялэ.

Ву кисьтась. Кулэтэм арбериослэсь мозмытске, кельшымтэ адямиосын кусып возёнлэсь палэнске. Уж дурады тӥ зэмос усточи, быгатонлыкъёстэс синйылтэм сяна, ужамдэс умой дунъялозы. Арня пумын трос ужады ке но, ӝытъёсы дорады уд пуке, аспӧртэм шутэтскыны яке шулдыръяськыны мылкыдды сузёз на.

Чорыгъёс. Матысьёсты тӥледыз пыкылозы, асьтэос сярысь гинэ малпаськиськоды шуыса. Висемды уг поты ке, эн керӟегъяське. Арня пумын трос дӥськут басьтоды. Шутэтскон нуналъёстэс инкуазьын ортчытэмды иназ мыноз.

Удмурт Дунне
By Удмурт Дунне Май 31, 2013 14:28
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<