15 ар ӵоже службаос мыно

Туннэ 15 ар тырмиз Ижкарысь Дун-чылкыт Инмар Анайлэн Покровезлы сӥзем черкез вӧсятэмлы.

Таӵе праздникен Александр Волков ӟечкылаз Ижкарысь старообрядческой общинаез. Ог даур талэсь азьло та храм пуктэмын вал тодмо архитекторлэн Иван Чарушинлэн проектэзъя. Сое ӝутӥзы Иж заводысь ужасьёслэн коньдонэнызы Троицкой ульчаын (туала Советской урам). Но 1936-тӥ арын старообрядецъёслэн храмзы сэрттэмын вал.

1998-тӥ арын Покровлэсь храмзэ пуктӥзы выль интыын, Октябрьлы 10 ар ульчае. 15 ар ини та храмын службаос мыно, нылпиос но егитъёс понна воскресной школа ужа.

Туспуктӥз Алексей Панов