Вормонъёсын шыкыс будӥз

Удмурт Дунне
By Удмурт Дунне Апрель 25, 2013 16:38

Вормонъёсын шыкыс будӥз

ifusco15-тӥ апрельысен 20-тӥ апрелёзь Удмурт кун университын Наукалы сӥзем арня вал. Соку тросаз факультетъёсын но институтъёсын конференциос ортчизы, куд-ог студентъёс мукет университетъёсы докладъёсынызы вуылӥзы.

Туннэ нуналлы тодмо, кинъёс Удмурт кун университетысь географической факультетысь Ижкарын ортчем географияя конференциын вормизы:
1-тӥ инты — Пехотский Илья (1 курс);
2-тӥ инты- Медведев Александр (3 курс);
3-тӥ инты — Куртеев Павел (3 курс).

Озьы ик ӟечкыласьком математической факультетысь дышетскисьёсыз Новосибирскын ортчем студентъёслэн 51-тӥ калыккуспо «Студент и научно-технический прогресс» конференциын асьсэды дано возьматэменызы:
Зайцева Ирина (I курсысь магистр) — 1-тӥ степенё диплом;
Смоленцева Ольга (I курсысь магистр) — 3-тӥ степенё диплом;
Щелчков Кирилл (III-тӥ курсын дышетскись) — 3-тӥ степенё диплом.

Со сяна, математикъёс англи кылын факультетъёс вискын ортчем «Что? Где? Когда?» шудонын вормизы. Соос пӧлын вал:
Ширяев Роман (3 курс);
Кутявин Даниил (1 курс);
Скобелев Сергей (1 курс).

Информационной технологиосъя но лыдъясь техникая факультетысь студентъёс Бердюгин Владимир (II-тӥ курсысь магистр) но Опарин Алексей (5-тӥ курс) Россиысь «IT-планета» олимпиадаын 5-тӥ инты басьтӥзы но Калыккуспо финалаз потӥзы.

Физикая но химияя студентъёслэн калыккуспо Интернет-олимпиадаязы асьме егитъёс озьы ик туж йӧно асьсэды возьматӥзы. Вормисьёс пӧлын:
Хохряков Вячеслав (нефтья но му вӧйя М. С. Гуцериев нимо институтын дышетскись) — зарни медаль
Данилова Ольга (биолого-химической факультетын дышетскись) — азвесь медаль
Ворончихин Александр (медицинаысь биотехнологиосъя факультетысь дышетскись) но Ризен Юлия (биолого-химической факультетын дышетскись) — туй медаль
Ӟечкыласьком вормисьёсыз!

Нош удмурт филология факультетысь 30 пала дышетскисьёс дасясько Сыктывкаре. 6-тӥ — 8-тӥ мае отын радъяськоз Студентъёслэн калыккуспо фин-угор конференцизы — IFUSCO. Туэ со 29-тӥ пол ортчоз. Кылем арын IFUSCO Эстониысь Тарту городын вал.

Комие куинь нуналлы вуозы 200-лэсь трос дышетскисьёс 9 кунъёсысь:Венгриысь, Финляндиысь, Эстониысь, Германиысь, Польшаысь, Чехиысь, Голландиысь, Великобританиысь но тужгес трос Россиысь. Докладъёс 12 кылъёсын лыдӟемын луозы: удмурт, ӟуч, коми, пор, эрзя, англи, фин, венгер, вепс, карел, коми-пермяк, эстон.

6-тӥ но 7-тӥ мае люкаськемъёс Комиысь кун службая но кивалтонъя академиын, Сыктывкар кун университетын но нюлэсъя институтын докладъёссэс лыдӟозы, ог-огенызы тодон-валанэнызы люкиськозы. Куинетӥ нуналаз ваньзы вуылозы Сыктывдин ёросысь Ыб черкогуртын интыяськем Фин-угор этнокультурной парке. Венгриысь егитъёс малпало одӥг нуналлы Сыктывкарын ӝегатскыны Вормон нуналлы сӥзем парадэз адӟон понна.

Ужрадэз ортчытыны юрттэ Комиысь Йӧскалык политикая министерство.

Конференцилэн программаеныз тодматскыны луоз ifusco.krags.ru сайтын.

Удмурт Дунне
By Удмурт Дунне Апрель 25, 2013 16:38
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<