Ужбергатон — со шудон ӧвӧл

Удмурт Дунне
By Удмурт Дунне Апрель 5, 2013 14:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Ужбергатон — со шудон ӧвӧл

В. Борисов

В. Борисов

Ужбергатон — секыт удыс, ваньмызлы уг сётӥськы, шуэ Ува черкогуртысь тодмо ужбергатӥсь Владимир Борисов. Студент дыръяз йырыныз выйиз электроникае. Со висёнэзлэсь люкиськыны ӧз быгаты, кылдытӥз «Электроника сервис» огазеяськон.

— Владимир Геннадьевич, кызьы ужбергатӥсь луиды но калыклы кыӵе юрттэт сётӥськоды?

— Бугырес вакыт вуэм бере, Глазовын дышетсконме куштыса, 1992-тӥ арын фирма кылдытӥ но ужаны кутским. Шонерзэ вераса, ужбергатон борды басьтӥськи 1991-тӥ арын. Та дыр секыт но валантэм ке но вал, кужымелы но быгатонэлы оски, лэся. Тани Любовь Викторовна Даниловаен нырысетӥ нуналъёсысен ик ӵош, огазьын ужаськом. Со вуз карись но, приёмщица но. Нырысь ваньзэ-ӧвӧлзэ 5 кузя ужам. Табере 25 мурт луим ни. Усто, кибашлы специалистъёс дорамы лыктӥзы.

Калыклы пӧртэм пумо юрттэт сётӥськом. Удысмы паськыт: тупатъяськом оргтехникаез, телевизоръёсты, туспуктэм лэсьтӥськом, рекламаен выриськом, асьмелэн магазинмы ужа. Фотостудиысьтымы калык уг бырылы, шуыны луоз. Нырысь-валысь видеокассетаос прокатэ сётъям, шудон автоматъёсмы вал. Но кема ӧм шудэ, одӥг ар гинэ. Нош 2000-тӥ арын контрольно-кассовой аппаратъёсты тупатъяны ӧдъям. Берло дыре та ужмы кулэсмиз ни. Но со понна будӥз печать, штамп лэсьтонмы. Талы нимысьтыз сертификат басьтэмын.

Туннэ шумпотыса вераме потэ: берло дыре ӟеч техникаен узырмим, басьтӥм лазерен ужась оборудование, широкоформатной но оперативной печать. Пичи фотолаборатория усьтӥм. Каллен-каллен юнмаськом. Табере ми, Уваын сяна, Вавож, Сюмси но Сьӧлта ёросъёсын ужаськом ни. Отчы асьмеос но ветлӥськом, асьсэос но дорамы лыкто. Ваньмызлы ӟеч юрттэт сётӥськом. Ӝожтӥськонъёс ӧвӧл, чыры-пыры валантэмъёс потыло ке но, соос туж ичи. Али ужамы милям бадӟым инты басьтэ реклама. Шумпотымон со.

— Кыӵе адямиос ужало огазеяськонады?

— Ми арысь аре юнмаськом но калыклы пумен тросгес юрттэт сётӥськом. 90-тӥ аръёсы калыклы бытовой юрттэт сётон быриз бере, рынокын со ӝажыез ас выламы басьтӥм но гурт калыклы но райцентръёсын улӥсьёслы кулэ услугаос сётӥськом. Со понна адямиос милемлы тау каро.

Ужасьёсмы туж умоесь, быгатӥсь специалистъёс дорамы тыршо. Тани кызьы уд ушъя телевизор тупатъясьёсты Алексей Борисович Антоновез но Александр Вениаминович Мезенцевез. Кык эшъёс калыклэсь куронъёссэ котьку дыраз но ӟеч быдэсъяло. Озьы ик шуыны луоз фотодизайнеръёс Наталья Васильевна Глебова но Надежда Алексеевна Краснопёрова сярысь. Соос доры адямиос шумпотыса лыкто. Ас ужзэ юн быгатыса но валаса нуэ валтӥсь бухгалтермы Валентина Александровна Тратканова. Со дорамы 11 ар ужа ни. Огазеяськонмылэн нокыӵе выт тыронъя пунэмъёсыз ӧвӧл. Соин ӵош ик черклы, нимаз адямиослы юрттӥськом. Юнме шат милемлы сётэмын грамота.

Азьланезлы но ӟеч малпанъёсмы вань. Тазьы ик огсыр бергам ке, ваньзэ улонэ пыӵатом.

Геннадий Романов
Туспуктӥз Владимир Беломорских

Удмурт Дунне
By Удмурт Дунне Апрель 5, 2013 14:17
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<