Тупатэмзэ эскероно

Удмурт Дунне
By Удмурт Дунне 5 апреля, 2013 14:51

Тупатэмзэ эскероно

Сварщик А. Кондратьев, механизаторъёс Н. Сурнин но В. Пушкарёв, валтӥсь инженер Н. Венедиктов КПС-4,2 культиватор лэсьтӥллям

Сварщик А. Кондратьев, механизаторъёс Н. Сурнин но В. Пушкарёв, валтӥсь инженер Н. Венедиктов КПС-4,2 культиватор лэсьтӥллям

Удмуртиын азьланьтӥське тулыс бусы ужъёслы техникаез тупатонъя толэзь. Со кыстӥськоз 15-тӥ оштолэзёзь. Но унояз ёросъёсын кутскиз ни тракторъёслэсь дась луэмзэс эскерон.

Бусые потыны дась луэмзэс нырысь ик возьматӥзы Дэри ёросысь «Восточный» хозяйствоысь музъем ужасьёс. Эскерись комиссия вуылӥз ни «Путь Ильича», «Совхоз-Правда», «Заря» предприятиосы. Ёросын эскеремын луозы 16 эштосъёс. Соосын ӵош ужан тӥрлыксэс возьматозы артэ тыршись крестьян-фермер хозяйствоос но нимаз ужбергатӥсьёс. Али тупатэмын ни 83 процентэз техника, куд-огезлэн кылемын на чыры-пыры лэсьтоно ужъёссы.

— Ми дорын техосмотр 9-тӥ апреле ортчоз, — шуэ Азин нимо акционер огазеяськонысь валтӥсь инженер Николай Венедиктов. — Ми солы дасесь, шуыны луоз ни. Тупатъян ужъёсты мытӥмы ни октябрь толэзе ик. Нырысь план дасям, собере эскерим, кыӵе но кӧня воштос ёзъёс кулэ луозы. Басьтылӥм соосты, хозяйстволэсь коньдон ласянь луонлыкъёссэ чакласа. Соин троссэ ужъёсты асьмеос лэсьтӥм. Тани кык кизён агрегатлы прицепъёсты гаражын тупатӥм. Нош отын трос гинэ сваркаен кышъяськонэз вал. Асьмеос ик выльдӥмы вить КПС-3,8 но куать КПС-4 30 аръем культиваторъёсты.Та дырлы вӧян но ужатыса эскерон гинэ кылемын на.

Милям техникамы трос: 45 трактор, думыса ужась 50 агрегат. Но кыкез трактормы но одӥг сваркамы сыло, ужасьёс тырмымтэен. Механизаторъёс мӧйыесь ни, пӧлазы пенсие потэмъёс но вань. Но соос ик оскымонэсь. Умой ужало Фёдор Байков, Валерий Клековкин, Евгений Кочуров, Иван Сергеев но мукетъёсыз.

Иван Аркашев
Туспуктӥз Владимир Беломорских

Удмурт Дунне
By Удмурт Дунне 5 апреля, 2013 14:51
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<