Туала чыртывесь

Удмурт Дунне
By Удмурт Дунне 2 апреля, 2013 12:14

Туала чыртывесь

Керттэм чыртывесь котькыџе дӥсьлы тупа

Керттэм чыртывесь котькыџе дӥсьлы тупа

Чильпаськон дуннее мон кемалась выйи ини, нош удмурт уксётӥрлык выллем чыртывесь лэсьтыны алигес йырам лыктӥз. Туж потӥз дӥсям удмурт шӧм пыртэме.

Уксётӥрлык туж чебер но узыр адӟиське, но со уггес тупа котькуд нунал нуллыны — жингыртэ, секыт но. Соин ик мон малпай сое чильпаса лэсьтыны. Таӵе мониста туала дӥсьлы но тупалоз, озьы ик удмурт луэмдэ но пусъёз.

Озьыен, асьмелы кулэ луоӟ курико вень, сӥньысъёс (трос ик кулэ уз луэ, соин яралозы кылем-мылем шортъёс но, буёлзы гинэ ог-огзылы мед тупалоз но зӧкталазы одӥг кадь мед луоз), весьёс яке бисер.

Таӵе уж борды нырысьсэ кутскиськоды ке, кулэ луоз кагаз вылэ суреданы зэмос быдӟалаезъя выкройка. Уг быгатӥськы сантиметръёсын вераны, малы ке шуоно котькуд уж пӧртэм быдӟалаен пӧрме. Уд ке валаське, кудбыдӟа тӥледлы кулэ, быгатӥськоды уксётӥрлыктэс лыдэ басьтыны.

Выкройка суредам бере кутскиськом чыртывесьмес чильпаны. Малпаськоды ке нимаз мотивъёслэсь, кылсярысь сяськаослэсь но куаръёслэсь, быдэстыны (1-тӥ суред), кулэ луоз филейной сетка амалэн инъет (основа) керттыны. Эн вунэтэ уждэс выкройкадыя пичиятъяны-бадӟыматъяны. Инъет борды калъёс керттыны кулэ луоз на.

1-тӥ суред

1-тӥ суред

Табере чильпано сяськаос но куаръёс. Соосты инъет вылэ чебер тыре, бордаз вурӟе мыддорин палтӥзы.

Чыртывесь синмез мед кыскоз шуыса, одӥг-ог весьёс яке бисер вурӟе.

Кыӵе ке пужыен гинэ чильпаны малпады ке, инъет кулэ уз луы (2-тӥ суред).

2-тӥ суред

2-тӥ суред

Чильпалэ пужыдэс выкройкая, кал керттыны эн вунэтэ.

Дась уждэс мылкыддыя весьёсын чеберъялэ.

Чыртывесьмы дась!

Таӵе выль, туала шӧмъем чыртывесез нуллыны быгатоды удмурт но, ӟуч но дэремъёсын, блузкаен, воргоронъёслы выллем дэремен.

Анжелика Петрова,
УдГУ-ын дышетскись

Удмурт Дунне
By Удмурт Дунне 2 апреля, 2013 12:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<