Толбыт — гужем

Удмурт Дунне
By Удмурт Дунне 2 апреля, 2013 12:46

Толбыт — гужем

З. Гришина нуналлы быдэ садзэ эскере

З. Гришина нуналлы быдэ садзэ эскере

Алнаш ёросысь Асангуртысь Зоя Гришиналэн юртъерез, гужем вуэ ке, сяська пӧлы вые, ческыт зын урам кузя вӧлме.

Зоя Николаевна вань улонзэ «Молодая гвардия» колхозын ужамын. Огдырлы гинэ Алнаш ёросысь ик Кизекгуртэ улыны выжылӥз, кузпалыз Владимир Иванович отысь.

Табере Зоя Николаевна дасо ар пала дораз пуке, шутэтске. Озьы шуыны луоз ке. Гид тыр пудо вордэ, корка тросаз сяська будэтэ, нош ваньмон дыръяз венен-сӥньыс борды басьтӥське. Турлы сӥньысъёсын мешокъёсыз лыдъяса быдтонтэм.

— Толалтэзэ пужъятӥсь-кисько, нош тулысысен бер сӥзьылозь бакча котырын бергасько, — шуэ кышномурт. — Сяська, бакча сиёнъёс, емышъёс мерттӥсько, ваньзэ утялтыны, дыраз ву кисьтаны кулэ. Шутэтскыны маза ӧвӧл.

Сяськаосты яратэмзэ котырысьтыз вань бускельёсыз но тодо. Ураме ческыт зын вӧлме ке, озьыен, Гришинъёслэн бакчаязы лилиос сяськаясько. Укно улын пушъё на розаос, георгинъёс, пионъёс… Зоя Николаевна сак эскере газет-журналъёсты. Чебер сяськаез синйылтэ ке, коньдонзэ жалятэк, выль кидыс басьтон сярысь сюлмаське.

Кемалась ик ӧвӧл Гришинъёс корказы борды итэт пуктӥзы. Кышномурт эшшо шумпотэмын, табере, пе, толалтэ но гужем отын сад возьыны луэ. Пӧртэм пумо сяськаосыз радэн-радэн сыло. Сад горшокъёссэ лыдъяса но уд быдты, нош Зоя Николаевна вань сяськаоссэ нимын вера. Орхидеяосыз гинэ 4 пумо, розаосыз — 13 выжы.

Валентина Емельянова
Туспуктӥз Владимир Беломорских

Удмурт Дунне
By Удмурт Дунне 2 апреля, 2013 12:46
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<