Тэшкылиос — «фупельтоникъёс»

Удмурт Дунне
By Удмурт Дунне 26 апреля, 2013 13:57
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Тэшкылиос — «фупельтоникъёс»

download324-тӥ апреле Удмурт театре люкаськылӥзы нылпи садъёсын но школаосын покчи классъёсын удмурт кылэз азинтӥсьёс, трос кылын вераськонэз эскерисьёс. Соос пыриськизы витетӥзэ ортчись калыккуспо конференцие.

Ужрадэз арысь аре радъяло Удмуртиысь Дышетонъя но наукая министерство, Дышетон удысысь национальной ужпумъёсты тодон-эскеронъя институт, Удмурт Республикаысь Дышетӥсьёслэсь тодон-валанзэс будэтонъя институт, удмурт культурая «Дэмен» общество.

Асьсэлэсь ужан амалъёссэс вераны но Удмуртиысь югдурен тодматскыны вуизы Финляндиысь но Коми Республикаысь куноос, Башкортостанысь, Пермь улосысь но Удмуртиысь пќртэм ёросъёсысь визьнодасьёс.

Дышетонъя но наукая министрлэн нырысетӥ воштӥсез Зоя Суворова верамъя, дышетон сярысь законэ Удмуртия 150 пала нимысьтыз актъёс дасяз. 2005-тӥ арын потэм кун кылъёс сярысь программаез быдэсъян улсын 70 пала пӧртэм пумо книгаос, пособиос но шудонъёс поттэмын. Но ёросъёсысь дышетӥсьёс куддыръя ӝожтӥсько, та материалъёс соос кие уг вуо шуыса. Министрлэн воштӥсез дэмла: ужан книгаос но пособиос пумысен курон келяно дыраз. Кылсярысь, Глаз ёрос быгатэ вал нылпи садъёсы удмурт выжыкылъёсын 2 сюрс книга курыны, нош вазиськон ыстэмын 50-эзлы гинэ.

Конференцие люкаськемъёслы вазиськиз «Удмурт Кенеш» ассоциацилэн президентэз Игорь Семёнов:

— Туннэ удмурт кылэз дышетыны луонлыкмы вань — со законэ пыртэмын кун кыл чотын. Али азямы сылӥсь ужпум: быгатомы-а законэз ужатыны. Коми Республикалэсь опытсэ чаклано ке, отын ваньзэсты коми кылэз дышетыны косэмын. Но Фин-угор калыкъёслэн Консультативной комитетсылэн тӧроезлэн Валерий Марковлэн верамезъя, уж капчиен уг мыны. Кылэз дышетонлы пумит луисьёс судъёсы вазисько. Асьмелы со югдурез лыдэ басьтоно: удмурт кылэз дышетон пумысен мугорамы пӧськы медаз кылды. Вань мукетыз амал: дышетӥсьёс но анай-атайёс удмурт кылэз куто дышетон планазы. Кин ке пыр-поч дышетоз анай кылэз но литератураез, мукетъёсыз — историмес, сям-йылолъёсмес. Оскисько, быгатомы та ужез вырӟытыны.

Коми Республикаын нылпи садъёсын анай кыллы дышетон сярысь пыр-поч мадиськиз Зоя Остапова — Комиысь Дышетонэз азинтонъя институтысь национальной ужпумъёсъя лабораторилэн кивалтӥсез. Республикаын 520 нылпи сад пӧлысь анай кылзэс рос-прос дышето 40-аз гинэ — со но шоро-куспо гуртъёсын. Бадӟымгес посёлокъёсын но городъёсын югдур мукет. Татын музон сямен дышето ни коми кылэз: быдэс садын ужаны уг пӧрмы, соин коми кыл мынэ куд-ог группаосын гинэ. Секытгес Ухта, Воркута но Инта городъёсын. Татын кылэн ӧжытак гинэ тодматско.

Конференцилэн пленарной люкетаз чузъяськем докладъёс туж тунсыкоесь вал. Удмуртиысь городъёсысь нылпи садъёсын анай кылэз дышетон сярысь ивортӥз педагогика наукаосъя кандидат Роза Кузнецова. Кык кылэз тодӥсь нылпиослэн вераськемзылэсь аспӧртэмлыксэс вераз мукетыз тодосчи — Антонина Комарова. Нылпиос кык кыллы дышо… шудыса. Соос сокем капчиен шӧдо кылэз, верасько но асьсэос выль кылъёс малпало. Кылсярысь, «фупельтоник» — со одуванчик, пе («фу» но «пельтон» кылъёслэсь). Таӵе тунсыкъяськон нылпилы пайдаен гинэ берытске, йырзэ ужатэ. Нош мумы-бубыос пыдзэс пукто ке? Дышетон удысысь национальной ужпумъёсты тодон-эскеронъя институт ортчытӥз анай-атайёс пӧлын пиналъёсты кык кылын дышетон пумысен юалляськон. Матысь дыре исследованилэсь йылпумъянъёссэ шедьтыны луоз институтлэн сайтысьтыз: http://udmniino.ru

Алёна Ионина
Туспуктӥз Владимир Беломорских

Удмурт Дунне
By Удмурт Дунне 26 апреля, 2013 13:57
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<