Сайканы юрттэ ву

Удмурт Дунне
By Удмурт Дунне 2 апреля, 2013 11:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Султэм бере ик 1 стакан ву юоно — таӵе ӵектон сёто диетологъёс. Угось мугорын ву тырмымтэ дыръя адями ассэ жадемен шӧдэ, ӵукнаоссэ шуген сайканы выре.

Мылкыдэз ӝутыны, сэзъялскыны юрттэ шоколад но. ӵукна веръяськод ке, со мугоре уг лякиськы, уг кӧёмыты. Зӧкомытэ ӝыт сиемез гинэ.

Катьты ӧвӧл ке, ӵукна пичияк курег сӥль, чорыг сиелэ. Кӧтты кематэк уз сюма, кужымды юнмалоз.

Быдэс нуналлы кужым люканы юрттэ мульы но. Эшшо туж пайдаё луэ курегпуз, со туж узыр витаминъёсын но минералъёсын, озьыен, лумбыт уд сётске жадёнлы. Специалистъёс шуӧ ӵукнаосы озьы ик сиёно улмо, пайдаё луо сезьы ӝук но вож чай. Нялтас вераса, кофеын но, вож чайын но вань кофеинэз. Но кофе бере соку ик сайкаськод-сэзъялскиськод ке, вож чай мугорез калленэн сайкатэ. Соин ик огкутскемен кык-куинь чаша чай юоно ӧвӧл, возьмано солэсь мугоре пыӵамзэ.

Визьмась улмо

Тодосчиос вералӧ улмолэн вуэз йырсазез умогес каре, Альцгеймер висёнлэсь уте.

Та черлэн кылдон мугъёсыз татчыозь тыро-пыдо эскерымтэ, одӥгез гинэ тодмӧ сыӵе адямиос вунэтӥсь луо, куддыр сиськыны гинэ но уг валало ни, визьзы лябӟе, асьсэды валантэм возьыны кутско.

Эскеронъёс возьматӥзы: та висёнэн курадӟисьёс толэзь ӵоже нуналлы быдэ кык стакан мында улмо ву юо ке, бурмон пала берытско, йырсазьзы ӧжытгес сураськылэ, котьмалэсь кышканзы ортчыны ӧдъя.

Тодады вайытӥськом: улмо озьы ик туж пайдаё луэ диабетэн курадӟисьёслы, мултэс куаемъёслы, сюлэмзы но сэръёссы вылэ ӝожтӥськисьёслы.

Удмурт Дунне
By Удмурт Дунне 2 апреля, 2013 11:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<