Пытсэтын инты ӧвӧл

Удмурт Дунне
By Удмурт Дунне 5 апреля, 2013 09:54
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пытсэтын инты ӧвӧл

Чорыгасьёс, сак луэ! Туннэ шурысь йӧэз пуштытъялозы! МЧС

Чорыгасьёс, сак луэ! Туннэ шурысь йӧэз пуштытъялозы! МЧС

Пытсэт шор ёзо школаын улонмы туж шулдыр. Ачим но та школаез ик быдтӥ, али географилы дышетӥсько. Физкультуралы яке ОБЖ-лы дышетӥсьёсмы интыязы уг ке луо, соосты но воштоно луисько. Армие ветлэмын ук!

Сямыя мон меӵак адями. Мар ке уг кельшы, соку ик синмазы верасько. Нырме олокытчы но чуртнасько шуыса, школаен кивалтћсьёслэсь мыным ӵемысь йӧтылэ. Ма, кынем синмын кызьы соослэн ужъёссы шоры учкод?

Школамылы берло дыре трос уксё висъяло. Юртмы выль ӧвӧл, котькуд ар тупатъяно луэ. Тани таяз дышетскон арысен вань укноосмес вошъязы, вӧлдэтъёсты тупатъязы. Нош сьӧросъёсты, актовой залмес весь йылаз-пумаз уг вутто. Урок нуыны уг луы, быдэс нуналъёсын лэсьтӥськисьёс жургето. Ярам, куд-ог нуналъёсы сур юэмзы потылэ.

Озьыез озьы, вылды, но кытысь меда кивалтӥсьмылэн дуно машинаез кылдӥз? Уждунэз но трос ӧвӧл кадь, улэ огназ. Ма, воштӥсьёсыз но вылазы дӥсязы чайы шубаос. Туж валантэм потӥз со мыным. Директормы доры мыныса, меӵак верай, коньдон лушкамды сярысь ваньзэ тодӥсько, пӧй. Мукет нуналаз ик Пермь улосэ кыӵе ке научной конференцие келязы, быдэс арнялы. Вылаз ик, премия но ӧз сётэ, сюрес вылэ быдтэм коньдонме но ӧз берыктэ.

Алигес тодмо луиз: Москваысь, пе, кыӵе ке бадӟым начальникъёс лыкто. Шоркарысь кивалтӥсьёслэн школаенымы но дышетон амалъёсынымы тодматскемзы потэм.

Ӵуказеяз ик куинь толэзь кыстӥськись лэсьтӥськон ужъёс йылаз-пумаз вуизы. Нылпиослы юыны дун чылкыт ву кылдӥз, сое нимаз посудаосын вайыны ӧдъязы. Азьло гурт сьӧры интыяськем куштэм скважинаысь лыктылӥз. Луоен суро ву, марля пыр лэзьыса но, юыны ярантэм вал. Школаямы видеокамера но шуак кылдӥз. Берло тодӥ: солы, пе, коньдон куинь ар талэсь азьло ик висъямын ни вал. Кабинетъёсын выль партаос, кык выль компьютер, сиськонниын выль тусьты-пуньыос адскизы.

Кыдёкысь куноосты пумитаны нылпиослы памяткаос сётъязы, валэктӥзы, кызьы кивалтӥсьёс азьын астэ возёно, кызьы вераськоно. Монэ но, Пытсэт школаысьтымы вань воргоронъёсты сямен, пиджак дӥсяны косӥзы. Эшшо ке ёрмизы, бордысьтыд, пе, бензин зын паке. Мынам тӥляд кадь машинаосы ӧвӧл, пӧй, Гурезь гуртысьтым нялтас лыктӥсь тракторе я грузовой машинае пуксисько, куд-ог дыръя вал уробо сюре.

Мускоысь делегация Удмуртие вуэм сярысь жингыртӥзы гинэ, сиськонниысьтымы ӝӧквыл тырмиз: кык ящик дуно аракы, куинь таз перепеч, шаньга но мукет сиён-юон вуиз. Пытсэт школаен кивалтӥсьмы, кытчы пырыны валатэк, солань-талань лёгаське. Минутлы быдэ, синучкон шоры султыса, дӥсьсэ но йырсизэ тупатъя. Собере, чиданэз бырыса, лэся, кесяськыны кутскиз: проверкаез ӧм ке ортче, пе, ваньдэсты ужысь кушто. Нош мынам ныр азям чиньыеныз ик шоназ: тон, пе, Паримон, нырысь ик палдод.

Со куспын жингыртӥсь луиз. Кивалтӥсьмы кема ик ӧз вераськы, шумпотыса ивортӥз: эскерисьёс ёрос школаын трос юиллям-сиилям, дорамы уз ни, пе, вуэ. Но кӧня ке улыса, мылкыдыз усиз: сюлмаськемез токма шорысь луиз — вань лушкам коньдон школае берытскиз.

Пытсэт школамы выльмиз кадь, нош кивалтӥсьмылэн нырыз та вие ошиськемын. Пытсэтъёс юнме уг верасько, вылды, школалэн выль кузёез луоз шуыса. Кун кисыез аслазэныз сураны яратӥсьёслы Пытсэтын инты ӧвӧл.

Пинё Паримон

Суредаз Василий Пахомов

Удмурт Дунне
By Удмурт Дунне 5 апреля, 2013 09:54
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<